- నవంబర్ 10 నుంచి వెబ్సైట్లో హాల్ టికెట్లు
హైదరాబాద్, వెలుగు : రాష్ట్రవ్యాప్తంగా 1,380 పోస్టుల భర్తీకి జరిగే గ్రూప్ 3 పరీక్షలు నవంబర్17, 18 తేదీల్లో నిర్వహించేందుకు తెలంగాణ పబ్లిక్ సర్వీస్ కమిషన్ (టీజీపీఎస్సీ) ఏర్పాట్లు చేస్తున్నది. ఈ పరీక్షలకు సంబంధించిన హాల్ టికెట్లను నవంబర్10న కమిషన్ వెబ్ సైట్లో పెడ్తామని టీజీపీఎస్సీ సెక్రటరీ నవీన్ నికోలస్ తెలిపారు.
హాల్ టికెట్ డౌన్లోడ్లో ఏమైనా సమస్యలు ఏర్పడితే.. టీజీపీఎస్సీ టెక్నికల్ హెల్ప్డెస్క్ 040–23542185, 040–23542187 నంబర్లకు కాల్ చేయాలని లేదా హెల్ప్డెస్క్కు మెయిల్ చేయాలని నవీన్ నికోలస్ సూచిం చారు. నవంబర్ 17న రెండు పరీక్షలు ఉంటా యని.. ఉదయం 10 గంటల నుంచి మధ్యాహ్నం 12.30 గంటల వరకు పేపర్ 1, మధ్యాహ్నం 3 గంటల నుంచి సాయంత్రం 5.30 గంటల వరకు పేపర్ 2 కొనసాగుతాయని వెల్లడించారు.
రెండో రోజు నవంబర్ 18న ఉదయం 10 గంటల నుంచి మధ్యాహ్నం 12.30 గంటల వరకు పేపర్ 3 ఎగ్జామ్ ఉం టుందని చెప్పారు. పరీక్ష టైంకు గంటన్నర ముందే సెంటర్లోకి అభ్యర్థులను అనుమతిస్తామని, అరగంట ముందే గేట్లు క్లోజ్ చేస్తామని తెలిపారు. అభ్యర్థులు హాల్ టికెట్తో పాటు, క్వశ్చన్ పేపర్లను సెలెక్షన్ ప్రాసెస్ పూర్తయ్యే వరకు జాగ్రత్తగా పెట్టుకోవాలన్నారు.
