- గ్రూప్–4 అభ్యర్థులు సకాలంలో సెంటర్ కు చేరుకోవాలి
- ఇన్‌చార్జి కలెక్టర్ గరిమ అగర్వాల్
కరీంనగర్ టౌన్, వెలుగు: జులై 1న జరిగే గ్రూప్–4 పరీక్ష రాసే అభ్యర్థులు సకాలంలో పరీక్షా కేంద్రాలకు చేరుకోవాలని,15నిమిషాల ముందే గేట్లు క్లోజ్ చేస్తామని ఇన్‌చార్జి కలెక్టర్ గరిమా అగర్వాల్ గురువారం ఓ ప్రకటనలో తెలిపారు. హాల్ టికెట్‌పై ఫొటో రానివారు మూడు పాస్ ఫొటోలతో గెజిటెడ్ అధికారితో అటెస్టెడ్ చేయించుకొని పరీక్షకు హాజరుకావాలన్నారు. అంతకుముందు కలెక్టరేట్‌లో ప్రొఫెసర్ ప్రశాంత చంద్ర మహలనోబిస్ జయంతి సందర్భంగా జాతీయ గణాంక దినోత్సవం నిర్వహించారు. కార్యక్రమంలో ట్రైనీ కలెక్టర్ లెనిన్ వత్సల్ టొప్పో, ముఖ్య ప్రణాళిక అధికారి డి. కొమురయ్య, గణాంక అధికారి వి.రాందత్తరెడ్డి
తదితరులు పాల్గొన్నారు.
జగిత్యాల టౌన్,వెలుగు: జులై 1న నిర్వహించే గ్రూప్ –4 పరీక్షకు అన్ని ఏర్పాట్లు పూర్తి చేసినట్లు జగిత్యాల కలెక్టర్ యాస్మిన్ భాషా ఓ ప్రకటనలో తెలిపారు. జిల్లాలో పరీక్షకు హాజరయ్యే 21,937మంది అభ్యర్థులకు 73 పరీక్ష కేంద్రాలు ఏర్పాటు చేసినట్లు తెలిపారు. టైం దాటిన తర్వాత పరీక్షకు అనుమతించరని అభ్యర్థులు ఈ విషయాన్ని గమనించాలన్నారు. అభ్యర్థులు తమవెంట ఎలక్ట్రానిక్ పరికరాలు, సెల్ ఫోన్లు తీసుకురావద్దని అభ్యర్థులు చెప్పులు మాత్రమే వేసుకురావాలని, మహిళలు నగలు ధరించి రావద్దని సూచించారు.
సెంటర్ల వద్ద 144 సెక్షన్
కరీంనగర్‌క్రైం, వెలుగు : గ్రూప్ –4 పరీక్ష సందర్భంగా సెంటర్ల వద్ద 144 సెక్షన్ విధించినట్లు కరీంనగర్సీపీ ఎల్ సుబ్బరాయుడు తెలిపారు. జిల్లావ్యాప్తంగా 154 కేంద్రాలను ఏర్పాటు చేసినట్లు చెప్పారు.
