కోల్‌‌కతా: ఫాస్ట్ మూవింగ్ కన్స్యూమర్ గూడ్స్ (ఎఫ్‌‌ఎమ్‌‌సీజీ) రంగం ఈ ఆర్థిక సంవత్సరంలో 7-–9 శాతం ఆదాయ వృద్ధిని సాధిస్తుందని, క్రిసిల్ రేటింగ్స్ అంచనా వేసింది. దీని ప్రకారం...ఈ ఆర్థిక సంవత్సరం (2024-–25)లో రాబడి పెరుగుదల, గ్రామీణ, పట్టణ డిమాండ్‌‌లో పునరుద్ధరణ నేపథ్యంలో అమ్మకాలు బాగుంటాయి.
2023–-24లో ఎఫ్ఎంసీజీ రంగం వృద్ధి 5–-7 శాతంగా అంచనా వేశారు. ఆహారం, పానీయాల (ఎఫ్అండ్బీ) విభాగానికి సంబంధించిన కీలక ముడి పదార్థాల ధరల్లో స్వల్ప పెరుగుదల వల్ల ఉత్పత్తి సింగిల్ డిజిట్‌‌లో పెరుగుతుంది. వ్యక్తిగత సంరక్షణ, గృహ సంరక్షణ విభాగాల ముడి పదార్థాల ధరలు స్థిరంగా ఉండొచ్చు.
