- రూ.లక్ష ప్రైజ్ మనీ అందజేసిన అంజనీపుత్ర చైర్మన్ గుర్రాల శ్రీధర్
- రన్నరప్కు రూ.50 వేలు
మంచిర్యాల, వెలుగు: మంచిర్యాలలోని శివాజీ గ్రౌండ్లో పదిరోజుల నుంచి జరగుతున్న మంచిర్యాల ప్రీమియర్ లీగ్ (ఎంపీఎల్) సీజన్–2 క్రికెట్ పోటీలు ముగిశాయి. గురువారం ఫైనల్లో గుడిపేట టైటాన్స్జట్టు విన్నర్గా, ఎస్ఆర్హెచ్(ఎన్టీఆర్నగర్) జట్టు రన్నర్గా నిలిచాయి. విజేతకు రూ.లక్ష ప్రైజ్ మనీతో పాటు ట్రోఫీలను అంజనీపుత్ర ఎస్టేట్స్ చైర్మన్ గుర్రాల శ్రీధర్, ఎండీ పిల్లి రవి అందజేశారు. రన్నర్స్కు వసుధ హాస్పిటల్ సన్నీ పటేల్, కెల్విన్ హాస్పిటల్ కొమ్ము శ్రీనివాస్, ఉదారి చంద్రమోహన్గౌడ్ రూ.50 వేల నగదు బహుమతి అందజేశారు. ఎంపీఎల్ నిర్వాహకులు గురూస్ క్రికెట్ అకాడమీ దుర్గాప్రసాద్ను పలువురు అభినందించారు.
