యాదాద్రి, వెలుగు : కేసీఆర్ పాలనలో ఇబ్బందులు పడుతున్న ప్రజలకు బీజేపీ అండగా నిలబడుతోందని ఆ పార్టీ భువనగిరి అభ్యర్థి గూడూరు నారాయణరెడ్డి తెలిపారు. భువనగిరి మండలంలోని బీఎన్ తిమ్మాపూర్ సహా పలు గ్రామాల్లో ఆయన ఇంటింటి ప్రచారం నిర్వహించారు. ప్రజల కోసం కేంద్ర ప్రభుత్వం అమలు చేస్తున్న స్కీమ్స్ను వివరించారు. అనంతరం తనను గెలిపించే ప్రజల కోసం పాటుపడతానని తెలిపారు.
స్టూడెంట్స్ కోసం తన సొంత డబ్బుతో జిల్లా కేంద్రమైన భువనగిరిలో డిగ్రీ కాలేజీ నిర్మిస్తానని హామీ ఇచ్చారు. భువనగిరిలో ఐటీ హబ్ ఏర్పాటు చేయిస్తానని ఆయన తెలిపారు. ఈ హబ్ ద్వారా 30 వేల మందికి ఉద్యోగ అవకాశాలు లభించేలా చూస్తానని చెప్పారు. పోటీ పరీక్షల కోసం కోచింగ్ సెంటర్లు చేసి ఉన్నతస్థాయి ఉద్యోగాలు వచ్చేలా చూస్తానని తెలపారు. గెలిపించిన తర్వాత పైళ్ల శేఖర్రెడ్డి లాగా సొంత బిజినెస్లు చూసుకోకుండా ప్రజల కోసమే పని చేస్తానని ఆయన హామీ ఇచ్చారు.
