ఎడపల్లి, వెలుగు: ఎడపల్లి రైల్వే స్టేషన్ను పునరుద్ధరించాలని కోరుతూ సోమవారం అఖిల భారత ప్రగతిశీల రైతు సంఘం ఆధ్వర్యంలో ఒక రోజు దీక్ష చేపట్టారు. సంఘం జిల్లా ప్రధాన కార్యదర్శి గుమ్ముల గంగాధర్ మాట్లాడుతూ స్టేషన్ పునరుద్ధరించాలని ఎన్నిసార్లు ఉన్నతాధికారులు, ప్రజాప్రతినిధులకు విన్నవించినా పట్టించుకోవడం లేదని వాపోయారు.
స్టేషన్ ఎత్తేయడం వల్ల ఎడపల్లితో పాటు చుట్టుపక్కల ఉన్న బ్రాహ్మణ్పల్లి, అంబం, మంగలపాడ్, వడ్డేపల్లి, ధర్మారం, కుర్నాపల్లి ప్రజలు ఇబ్బందులు పడుతున్నారన్నారు. దీక్షలో షేక్ నసీర్, శ్రీపతి మల్లేశ్, రవి, నారాయణ, సిద్ధ పోశెట్టి, వైద్యనాథ్, ఎర్రన్న పాల్గొన్నారు.
