పెబ్బేరు, వెలుగు: జర్నలిస్టుల సమస్యలపై నిరంతరం పోరాడుతామని టీయూడబ్ల్యూజే(ఐజేయూ అనుబంధం) రాష్ట్ర కార్యదర్శి గుండ్రాతి మధు గౌడ్ తెలిపారు. ఆదివారం పట్టణంలో పెబ్బేరు, శ్రీరంగాపూర్ మండల జర్నలిస్టుల సభ్యత్వ నమోదు కార్యక్రమాన్ని ఆయన ప్రారంభించారు. విలేకరుల సమస్యలు అడిగి తెలుసుకొన వాటి పరిష్కారం కోసం తనవంతు కృషి చేస్తానని హామీ ఇచ్చారు. ఈ సందర్భంగా మధు గౌడ్ మాట్లాడుతూ.. విద్య, వైద్యం, అక్రిడిటేషన్ కార్డులు, ఇండ్ల స్థలాల కోసం కొట్లాడి ఇప్పించిన ఏకైక యూనియన్ టీయూడబ్ల్యూజే అని చెప్పారు.
రాష్ట్ర మీడియా అకాడమీ చైర్మన్, యూనియన్ నాయకులతో చర్చించి జర్నలిస్టులు అందరికీ అక్రిడిటేషన్ కార్డులు వచ్చేలా ప్రభుత్వంపై ఒత్తిడి తెస్తున్నామని, ఇప్పుడు వచ్చే కార్డుతో 3 రకాల ప్రయోజనాలు ఉంటాయని చెప్పారు. ఊషన్న, బాలస్వామి, పోలిశెట్టి బాలకృష్ణ, పౌర్ణా రెడ్డి, ప్రశాంత్, మాధవరావు, రమేశ్శెట్టి, శ్రీనివాస్, బాలరాజు, కిరణ్ కుమార్ గౌడ్, రాజేంద్రప్రసాద్, గోపాలకృష్ణ, వేణు సాగర్, వెంకటేశ్గౌడ్, కిట్టు శర్మ, నరేశ్ పాల్గొన్నారు.
