కరీంనగర్: పార్కింగ్ చేసి ఉన్న ట్రాక్టర్ల నుంచి బ్యాటరీలు, హైడ్రాలిక్ పట్టీలు చోరీ చేస్తున్న దొంగల ముఠాను గన్నేరువరం పోలీసులు పట్టుకున్నారు. ఐదుగురు నిందితుల నుంచి కారు, 39 ట్రాక్టర్ బ్యాటరీలు, 25 హైడ్రాలిక్ పట్టీలు స్వాధీనం చేసుకున్నారు. వీటి విలువ సుమారుగా రూ.5 లక్షల 20 వేల వరకు ఉంటుందని పోలీసులు తెలిపారు. కరీంనగర్ కమిషనరేట్ పరిధిలోని ఐదు పోలీస్ స్టేషన్ల పరిధిలో ఈ దొంగల ముఠా చోరీలు చేసినట్లు తెలుస్తోంది.
రామడుగు మండలం వెదిర గ్రామానికి చెందిన ప్రవీణ్ తనతో పాటు ఇంటర్మీడియట్ చదువుతున్న నలుగురు స్నేహితులు కలసి ఈ దొంగతనాలు చేసినట్లు పోలీసుల విచారణలో తేలింది. చెడు వ్యసనాలకు అలవాట్ల పడి.. ఖర్చులకు డబ్బులు సరిపోక దొంగతనాలకు పాల్పడుతున్నట్లు పోలీసులకు వారి చెప్పారు. ఓ కారు అద్దెకి తీసుకొని రాత్రిపూట దొంగతనాలు చేస్తున్నట్లు నిందితులు ఒప్పకున్నారు. సీసీ కెమెరాల్లో నమోదైన వివరాలు ఆధారంగా దొంగలను పోలీసులు పట్టుకున్నారు.
