- డెయిరీ డెవలప్మెంట్కో-ఆపరేటివ్ ఫెడరేషన్
- చైర్మన్ గా నియామకంఉత్తర్వులు జారీ
- చేసిన ప్రభుత్వంరెండేళ్లపాటు పదవిలో కొనసాగనున్న అమిత్
నల్గొండ, వెలుగు : తెలంగాణ డెయిరీ డెవలప్మెంట్ కో–ఆపరేటివ్ ఫెడరేషన్ లిమిటెడ్ చైర్మన్గా గుత్తా అమిత్ రెడ్డి నియమితులయ్యారు. ఈ మేరకు మంగళవారం ప్రభుత్వం ఉత్తర్వులు జారీ చేసింది. రెండేళ్లపాటు అమిత్ చైర్మన్ పదవిలో కొనసాగుతారని ఉత్తర్వుల్లో పేర్కొన్నారు. అసెంబ్లీ, పార్లమెంట్ఎన్నికల్లో బీఆర్ఎస్ టికెట్ఇవ్వకపోవడంతో ఎంపీ ఎన్నికలకు ముందు అమిత్ కాంగ్రెస్లో చేరారు. పార్టీలో చేరిక సందర్భంగా దీపాదాస్మున్షీ, గుత్తా సమీప బంధువు, ప్రభుత్వ సలహాదారు వేంనరేందర్ రెడ్డితో అమిత్ పొలిటికల్ కెరీర్పై స్పష్టమైన హామీ ఇచ్చారు.
పార్టీలో చేరినప్పటి నుంచి అటు ప్రభుత్వం, ఇటు పార్టీలో క్రియాశీలకంగా వ్యవహరిస్తున్న అమిత్ ఇటీవల సీఎం రేవంత్రెడ్డితో కలిసి అమెరికా వెళ్లొచ్చారు. కాగా, తన తండ్రి, మండలి చైర్మన్ గుత్తా సుఖేందర్ రెడ్డి బాటలోనే అమిత్పొలిటికల్కెరీర్ ప్రారంభంకావడం విశేషం. ఉమ్మడి ఏపీలో గుత్తా సుఖేందర్రెడ్డి టీడీపీ ప్రభుత్వంలో ఇదే తెలంగాణ డెయిరీ డెవలప్మెంట్ ఫెడరేషన్కు చైర్మన్ గా పనచేశారు. 1995 నుంచి 1999 వరకు చైర్మన్ గా వ్యవహరించిన గుత్తా, 1998లో నేషనల్ డెయిరీ డెవలప్మెంట్ బోర్డుకు డైరెక్టర్గా కూడా పనిచేశారు.
అంతకుముందు నల్గొండ, రంగారెడ్డి పాల ఉత్పత్తిదారుల పరస్పర సహాయ సహకారం సంఘం (మదర్ డెయిరీ) చైర్మన్గా 1992 నుంచి 1999 వరకు సుదీర్ఘకాలం పాటు పనిచేశారు. గుత్తా స్వగ్రామం చిట్యాల మండలం ఉరుమడ్ల గ్రామ పాల ఉత్పత్తిదారుల సంఘానికి ఆయన చైర్మన్గా పనిచేశారు. తర్వాత సుఖేందర్రెడ్డి తమ్ముడు జితేందర్రెడ్డి మదర్ డెయిరీ చైర్మన్గా చాలా కాలం పనిచేయగా, ఇప్పుడు మళ్లీ తండ్రి
బాబాయ్ బాటలోనే డెయిరీ ఫెడరేషన్ చైర్మన్గా అమిత్ రాజకీయ అరంగ్రేటం చేయడం విశేషం. చైర్మన్గా బాధ్యతలు చేపట్టిన అమిత్ డెయిరీని లాభాలబాటలో నడిపించేందుకు కృషి చేస్తానన్నారు. సీఎం రేవంత్ రెడ్డి, జిల్లా మంత్రులు కోమటిరెడ్డి వెంకట్ రెడ్డి, ఉత్తమ్ కుమార్రెడ్డి, సీనియర్నేత జానారెడ్డికి ఈ సందర్భంగా కృతజ్ఞతలు తెలిపారు.
