మళ్లీ కాంగ్రెస్లో గుత్తా శకం

మండలి చైర్మన్గుత్తా సుఖేందర్ రెడ్డి కొడుకు అమిత్రెడ్డి కాంగ్రెస్లో చేరిక
గుత్తా తమ్ముడు మదర్ డెయిరీ చైర్మన్ జితేందర్రెడ్డితో సహా పలువురు ముఖ్యులు
2016 తర్వాత మళ్లీ కాంగ్రెస్లో అమిత్ఎంట్రీ
ఇప్పటికే కాంగ్రెస్లో చేరిన గుత్తా వర్గం

నల్గొండ, వెలుగు : ఉమ్మడి జిల్లా కాంగ్రెస్లో గుత్తా శకం మళ్లీ మొదలైంది. సరిగ్గా ఎనిమిదేళ్ల క్రితం అప్పుడు నల్గొండ కాంగ్రెస్ ఎంపీగా ప్రాతినిధ్యం వహించిన గుత్తా సుఖేందర్రెడ్డి బీఆర్ఎస్లో చేరారు. తెలంగాణ రాష్ట్రం ఆవిర్భవించిన తొలినాళ్లలో రాజకీయ పునరేకీకరణలో భాగంగా సుఖేందర్ రెడ్డి బీఆర్ఎస్లో చేరారు. టీడీపీలో తొలిసారి ఎంపీగా గెలుపొందిన ఆయన దివంగత సీఎం రాజశేఖర్రెడ్డి ఆహ్వానం మేరకు 2009లో కాంగ్రెస్లో చేరారు. దాదాపు ఏడేళ్లపాటు కాంగ్రెస్లో కీలక పాత్ర పోషించిన గుత్తా 2016 లో బీఆర్ఎస్లో చేరారు.

ప్రస్తుతం రాజ్యాంగబద్ధమైన పదవిలో ఉన్నందున సుఖేందర్ రెడ్డికి బదులు ఆయన కొడుకు అమిత్రెడ్డి, భార్య అఖిలారెడ్డి, గుత్తా తమ్ముడు మదర్డెయిరీ మాజీ చైర్మన్ గుత్తాజితేందర్రెడ్డి కాంగ్రెస్లో చేరారు. సోమవారం హైదరాబాద్లో స్టేట్కాంగ్రెస్ ఇన్చార్జి దీపాదాస్ మున్షీ, జిల్లా మంత్రి కోమటిరెడ్డి వెంకటరెడ్డి, ఇతర ముఖ్యనాయకులు అమిత్ను పార్టీలోకి ఆహ్వానించేందుకు గుత్తా నివాసానికి వెళ్లారు. అనంతరం సీఎం రేవంత్ రెడ్డి సమక్షంలో గుత్తా అమిత్, జితేందర్రెడ్డి, కొడుకు అశ్విన్ రెడ్డి కాంగ్రెస్లో చేరారు. అమిత్రాకతో జిల్లా కాంగ్రెస్ శ్రేణులు హర్షం వ్యక్తం చేశారు.

అయోమయంలో బీఆర్ఎస్..

గుత్తా ఫ్యామిలీ కాంగ్రెస్లో చేరడంతో బీఆర్ఎస్లో అయోమయ పరిస్థితులు నెలకొన్నాయి. ఒకవైపు పోలింగ్సమయం దగ్గరపడుతున్న నేపధ్యంలో గుత్తా షాక్మరింత కలవరపాటుకు గురిచేసింది. జిల్లాలో ఇ ప్పటికే బీఆర్ఎస్ కేడర్చెల్లాచెదురైంది. గుత్తాతో అనవసరంగా పంచాయతీ పెట్టుకున్నామనే అభిప్రాయాన్ని పలువురు మాజీ ఎమ్మెల్యేలు వ్యక్తం చేశారు. గుత్తాతో విభేదాలు వద్దని వారించినప్పటికీ ఒకరిద్దరు మాజీ ఎమ్మెల్యేలు.. సుఖేందర్రెడ్డిని లక్ష్యంగా చేసుకుని ఆరోపణలు చేశారు. గుత్తాపై హైకమాండ్ కు ఫిర్యాదు చేయడంతో ఈ వివాదం మరింత ముదిరింది. చివరకు అమిత్ఎంపీ టికెట్విషయంలో కూడా జిల్లా నాయకులు అభ్యంతరం చెప్పడమేగాక, సుఖేందర్ రెడ్డిని అవమానించారు. దీంతో తీవ్ర మనస్తాపానికి గురైన అమిత్చివరకు పార్టీ మారారు.

గుత్తా చేరికతో కాంగ్రెస్కు మరింత బలం..

గుత్తా ఫ్యామిలీ రాకతో కాంగ్రెస్ మరింత బలపడుతుందనే అభిప్రాయం సర్వత్రా వినిపిస్తోంది. ముఖ్యంగా నల్గొండ, దేవరకొండ, నాగార్జునసాగర్, నకిరేకల్, మిర్యాలగూడ నియోజకవర్గాల్లో గుత్తా వర్గం బలంగా ప నిచేస్తోంది. ఈ నియోజకవర్గాలకు చెందిన మున్సిపల్చైర్మన్లు, జడ్పీటీసీలు, ఎంపీపీలు, ఎంపీటీసీలు, ముఖ్య నాయకులందరూ ఇప్పటికే బీఆర్ఎస్కు గుడ్బై చెప్పారు. ఇప్పుడు అమిత్చేరిక సందర్భంగా మరిన్ని చేరికలు ఉంటాయని నాయకులు భావించారు. ఇందులో భాగంగానే ఆయా నియోజకవర్గాల్లో సుమారు 50 మంది ముఖ్యమైన లీడర్ల జాబితా సిద్ధం చేశారు. కానీ, ప్రస్తుతం ఎమ్మెల్యేలందరూ ఎన్నికల బిజీలో ఉన్నందున చేరికల కార్యక్రమాన్ని తాత్కాలికంగా వాయిదా వేశారు.