పిల్లల్ని కనడం కోసం జైల్లో ఉన్న తన భర్తను పెరోల్ పై రిలీజ్ చేయాలని ఓ మహిళ జైలు అధికారులకు దరఖాస్తు చేసింది. దరఖాస్తులో మహిళ.. తనకు పిల్లలు కావాలని అందుకే తన భర్తను పెరోల్‌పై విడుదల చేయాలని కోరింది. ఈ సంఘటన మధ్యప్రదేశ్ లోని గ్వాలియర్ లో చోటుచేసుకుంది.
శివపురికి చెందిన మహిళకు దారా సింగ్ జాదవ్ అనే వ్యక్తితో పెళ్లి జరిగింది. అయితే పెళ్లైన కొన్ని రోజులకే ఓ హత్య కేసులో జాదవ్ ఆరెస్ట్ అయ్యాడు. అయితే దారా సింగ్ జాతవ్‌ తండ్రి కరీం సింగ్ జాదవ్ అనారోగ్యంతో మంచాన పడ్డాడు. చనిపోయే లోపు మనవడు లేదా మనవరాలును చూడాలని ఉందని కోరుకుంటున్నాడు.
దీంతో తన భర్తను పెరోల్‌పై విడుదల చేయాలని కోరుతూ మహిళ జైలు అధికారులకు దరఖాస్తు పెట్టుకుంది. ఈ విషయంపై గ్వాలియర్ సెంట్రల్ జైలు సూపరింటెండెంట్ విదిత్ సిరివియా మాట్లాడుతూ జీవిత ఖైదు పడిన ఖైదీలు రెండు సంవత్సరాలపాటు జైలు శిక్ష అనుభవించి, సత్ ప్రవర్తన కలిగి వుంటే పెరోల్‌కు అర్హులని తెలిపారు. పెరోల్ మంజూరు చేయాలా వద్దా అనేది జిల్లా కలెక్టర్ చేతిలో ఉంటుందని పేర్కొన్నారు.
ఇక గతంలో రాజస్తాన్ కు చెందిన ఓ మహిళ ఇలాంటి అభ్యర్థనే పెట్టుకోగా.. అక్కడి హైకోర్టు దీనిపై విచారణ జరిపి ఆ ఖైదీకి 15 రోజుల పెరోల్ మంజూరు చేసింది.
