- రాష్ట్ర సర్కారుకు సమాచారం ఇచ్చిన యూపీఎస్సీ
హైదరాబాద్, వెలుగు: హాకా మేనేజింగ్ డైరెక్టర్ కట్టా చంద్రశేఖర్‌ రెడ్డి కన్ఫర్డ్ ఐఏఎస్‌‌గా ఎంపికయ్యారు. ఈ మేరకు సర్కారుకు యూపీఎస్సీ సమాచారం ఇచ్చింది. ప్రస్తుతం రెరా చైర్మన్‌‌గా ఉన్న సత్యనారాయణ రిటైర్మెంట్‌‌తో నాన్ రెవెన్యూ కోటాలో ఒక కన్ఫర్డ్ ఐఏఎస్‌ పోస్టు ఖాళీ అయింది. ఈ పోస్టు కోసం అక్టోబర్ 11న యూపీఎస్సీ ఇంటర్వ్యూ నిర్వహించింది. ఐదుగురు అధికారులను ఇంటర్వ్యూకు పిలిచింది.
వారిలో చంద్ర శేఖర్‌‌‌‌రెడ్డితో పాటు, ఇండస్ట్రీస్ జేడీ కోటేశ్వర్‌‌‌‌రావు, మేడ్చల్ మల్కాజ్‌‌గిరి జడ్పీ సీఈఓ దిలీప్‌, ట్రైబల్ వెల్ఫేర్ డిపార్ట్‌‌మెంట్ అడిషనల్ డైరెక్టర్ సర్వే శ్వర్‌ రెడ్డి, ట్రెజరీ డిపార్ట్‌‌మెంట్‌‌లో పనిచేస్తున్న మాధవి కృష్ణమూర్తి ఉన్నా రు. ఈ ఐదుగురిలో చంద్రశేఖర్‌ రెడ్డికి ఎక్కువ మార్కులు వచ్చాయని, ఆయన ను ఐఏఎస్‌ పోస్టు కోసం ఎంపిక చేశామని రాష్ట్ర సర్కారు కు యూపీఎస్సీ తాజాగా సమాచారం పంపింది.
