హైదరాబాద్, వెలుగు : ప్రైవేట్ ప్లేస్‌‌‌‌‌‌‌‌మెంట్ ద్వారా పాంటోమత్ భారత్ వాల్యూ ఫండ్ (బీవీఎఫ్) నుంచి రూ. 235 కోట్లను సమీకరించినట్లు స్నాక్స్ తయారీదారు హల్దీరామ్ భుజివాలా గురువారం తెలిపింది. 'ప్రభుజీ' బ్రాండ్‌‌‌‌‌‌‌‌తో తమ ఉత్పత్తులను రిటైల్ చేస్తున్న ఈ కంపెనీ తూర్పు, ఈశాన్య మార్కెట్‌‌‌‌‌‌‌‌ల వెలుపల మార్కెట్లకు విస్తరించడానికి నిధులను ఉపయోగిస్తుంది. కోల్‌‌‌‌‌‌‌‌కతాకు చెందిన ఈ కంపెనీ ప్రస్తుతం ప్రధానంగా పశ్చిమ బెంగాల్, బీహార్, జార్ఖండ్
ఈశాన్య రాష్ట్రాల్లో కార్యకలాపాలు నిర్వహిస్తోంది. అంతేకాకుండా, కంపెనీ 19 రిటైల్ ఔట్లెట్లను, 60 ఫ్రాంచైజీ స్టోర్‌‌‌‌‌‌‌‌లను నిర్వహిస్తోంది. హల్దీరామ్ భుజివాలా 6,035 ఎంటీపీఏ సామర్థ్యంతో మూడు తయారీ యూనిట్లను కూడా నడుపుతోంది. 2023–-24లో దేశంలో స్నాక్స్ మార్కెట్ విలువను రూ.42,600 కోట్లుగా అంచనా వేయగా, 2031–-32 నాటికి రూ.95,500 ఇది కోట్లకు చేరుకోవచ్చని కంపెనీ పేర్కొంది.
