ధర్మసాగర్, వెలుగు: కుడా ప్రతిపాదించిన ఎకోటూరిజం పార్క్ ఏర్పాటు కోసం ధర్మసాగర్ మండలంలోని ఇనుపరాతి గుట్టలో స్థలం ఎంపికకు అధికారులు సమన్వయంతో పనిచేయాలని హనుమకొండ కలెక్టర్ ప్రావీణ్య సూచించారు. శుక్రవారం కలెక్టరేట్లో నిర్వహించిన సమీక్షలో కలెక్టర్ మాట్లాడుతూ కుడా ప్రతిపాదించిన ఎకో టూరిజం పార్క్ కోసం అటవీ, రెవెన్యూ, కుడా అధికారులు కలిసి స్థలాన్ని ఎంపిక చేయాలని సూచించారు.
ఈ పార్క్ ఏర్పాటైతే ప్రజలకు, పిల్లలకు సంబంధించి కార్యక్రమాలు ఉంటాయని, హాట్ బెలూన్స్, వాటర్ స్పోర్ట్స్, రకరకాల పక్షులను చూడవచ్చన్నారు. సమావేశంలో జిల్లా అటవీ శాఖ అధికారి లావణ్య, అడిషనల్ కలెక్టర్ వెంకటరెడ్డి, హనుమకొండ ఆర్డీవో రాథోడ్ రమేశ్, కుడా సీపీవో అజిత్ రెడ్డి, అధికారులు పాల్గొన్నారు.
