భద్రాచలం, వెలుగు : హనుమాన్ జయంతి వేడుకలు భద్రాచలం సీతారామచంద్రస్వామి దేవస్థానంలో శనివారం అత్యంత వైభవంగా జరిగాయి. ఈ సందర్భంగా ఆలయ గోపురానికి ఎదురుగా ఉన్న ఆంజనేయస్వామి ఆలయంలో స్వామికి విశేషంగా అభిషేకం జరిగింది. పంచామృతాలతో అభిషేకం, స్నపన తిరుమంజనం నిర్వహించి తమలపాకులు, నిమ్మకాయలు, అప్పాలమాలలు నివేదించారు. రాష్ట్రం నలుమూలల నుంచి వచ్చిన హనుమాన్ దీక్షాపరులు స్వామికి ఇరుముడులు సమర్పించారు. అనంతరం సీతారామచంద్రస్వామిని దర్శించుకున్నారు. 1.50లక్షల లడ్డూలు భక్తుల సంఖ్యను దృష్టిలో ఉంచుకుని సిద్ధం చేశారు.
