వైవిధ్యమైన పాత్రలతో నటుడిగా ప్రత్యేక గుర్తింపును అందుకున్న ప్రియదర్శి (Priyadarshi)..జాతిరత్నాలు,మల్లేశం,బలగం లాంటి చిత్రాలతో హీరోగానూ మెప్పించాడు.ఈ క్రమంలో అతను హీరోగా వస్తోన్న లేటెస్ట్ మూవీకి డార్లింగ్ (Darling) అనే సినిమా చేస్తున్న విషయం తెలిసిందే.హనుమాన్ నిర్మాతలు నిరంజన్ రెడ్డి,చైతన్య రెడ్డి ఈ డార్లింగ్ సినిమాని నిర్మిస్తున్నారు.
డార్లింగ్ మూవీ (జులై19న)ఆడియన్స్ ముందుకు రాబోతోంది.దీంతో డార్లింగ్ ప్రొడ్యూసర్స్ వరుస ప్రమోషన్స్ తో తెగ అప్డేట్స్ ఇస్తున్నారు.ఈ సందర్భంగా నేడు మీడియాతో ముచ్చటిస్తూ ఇంట్రెస్టింగ్ డార్లింగ్ సినిమా విశేషాలతో పాటు తమ ప్రొడక్షన్లో రాబోతున్న జై హనుమాన్ మూవీకి సంబంధించిన రిలీజ్ డేట్ అప్డేట్ ఇచ్చారు.నిజానికి హనుమాన్ మూవీ క్లైమాక్స్ లోనే జై హనుమాన్ వచ్చే ఏడాది 2025 సంక్రాంతికి రిలీజ్ చేస్తామని ప్రకటించారు కూడా.
ఇక తాజాగా ప్రొడ్యూసర్ చైతన్య రెడ్డి జై హనుమాన్ సినిమా 2025 సంక్రాంతికి రావడం మాత్రం అసాధ్యమే అని కామెంట్ చేశారు. ఎందుకంటే, తమ బ్యానర్ లో వరుస సినిమాలు ప్రొడక్షన్స్ లో ఉన్నాయని తెలిపారు. అలాగే ఈ హనుమాన్ ఫ్రాంచైజ్ లో ఉన్న హీరోల అందరిని తీసుకురావాలని అనుకుంటున్నామని..అందుకు తగ్గట్టుగానే జై హనుమాన్ స్క్రిప్ట్ లో కూడా మార్పులు చేర్పులు చేశారని అన్నారు. అయితే, జై హనుమాన్ ప్రస్తుతం ప్రీ ప్రొడక్షన్ దశలో ఉందని..కనీసం ఓ రెండేళ్లన్నా టైం పడుతుందంటూ ఆమె అభిప్రాయం వ్యక్తం చేసింది. హనుమాన్ ను మించిన సబ్జెక్టు తో జై హనుమాన్ రానున్నట్లు ఈ సందర్బంగా తెలిపింది.
డార్లింగ్ సినిమాను తమిళ్ దర్శకుడు అశ్విన్ రామ్ తెరకెక్కిస్తున్నాడు.ఈ రొమాంటిక్ కామెడీ ఎంటర్టైనర్ లో..ప్రియదర్శికి జోడిగా ఇస్మార్ట్ బ్యూటీ నభా నటేష్ నటిస్తుంది.డీసెంట్ మ్యూజిక్ డైరెక్టర్ వివేక్ సాగర్ మ్యూజిక్ అందించనున్న ఈ సినిమాలో అనన్య నాగళ్ళ, మురళీధర్ గౌడ్, శివ రెడ్డి మరియు కృష్ణ తేజ వంటి తదితరులు ముఖ్యపాత్రల్లో నటిస్తున్నారు.
