లండన్: హ్యాపీ లైఫ్ గడపాలనుకున్న ఓ జంట.. తమ జర్నీ కోసం తయారు చేయించుకున్న మొబైల్ హోమ్తో యూకేలో ఫేమస్ అయింది. ఇంగ్లండ్కు చెందిన టామ్ వార్డ్ (36), అమీ ఓబ్రియన్ (29) హోటల్, పబ్ను రన్చేసే వారు. తమ బీజీ లైఫ్తో విసిగిపోయిన వారు.. ప్రశాంతమైన, ఆనందమయ జీవితాన్ని గడిపేందుకు తమ పెంపుడు కుక్క ఫ్రాంకీతో కలిసి యూకే మొత్తం తిరగాలని నిర్ణయించుకున్నారు. ఇందుకోసం దాదాపు రూ.20 లక్షలతో ఒక వ్యాన్ను తమ అవసరాలకు అనుగుణంగా మొబైల్హోమ్గా రీమోడలింగ్ చేయించుకున్నారు. ఈ కొత్త మొబైల్ హోమ్‌‌లో బెడ్, గ్యాస్ హబ్, వంటగది, సింక్, ఫ్రిజ్, బాత్రూమ్, వేడినీళ్ల షవర్, అవుట్‌‌డోర్ షవర్, కంపోస్ట్ టాయిలెట్ వంటి సౌలత్లు ఉన్నాయి.
కొన్ని నెలలపాటు ఈ వ్యాన్లో ప్రయాణించి తమకు నచ్చిన ప్రదేశాలు చూశారు. మీడియా, సోషల్మీడియాలో వార్తలు, ఫొటోలతో వీరి మొబైల్హోమ్ చాలా పాపులరైంది. 2020 మార్చిలో కరోనా మహమ్మారితో యూకే చిగురుటాకులా వణికిపోయింది. అదే సమయంలో తన జాబ్, ఫ్లాట్ను కోల్పోయిన ఓ మహిళ వీరి మొబైల్హోమ్ను చూసి తను కూడా ఇలాంటిదే తయారు చేయించుకుంది. ఇప్పుడు ఆమె ఆ మొబైల్హోమ్లోనే ఉంటూ వర్క్ ఫ్రమ్ హోమ్ చేస్తోంది. ఆ తర్వాత యూకేలో చాలా మంది ఇలాంటివి తయారు చేయించుకొన్నారు.
