= ఓల్డ్సిటీ వరకు మెట్రో రావడం సంతోషకరం
= నాలుగేండ్లలో పనుల్ని కంప్లీట్చేయండి
= ఎంపీ అసదుద్దీన్ఒవైసీ
హైదరాబాద్: ఎంజీబీఎస్ నుండి చంద్రయాన్ గుట్ట వరకు మెట్రో రైలు రావడం చాలా సంతోషకరమని, ఇప్పటివరకు ఐదుగురు సీఎం వచ్చిన ఎవరూ చేయలేని పని రేవంత్రెడ్డి చేస్తున్నారని హైదరాబాద్ఎంపీ అసదుద్దీన్ఒవైసీ అన్నారు. గత ప్రభుత్వాలు మెట్రోను ఇక్కడి వరకు విస్తరించాలని కనీసం ఇంట్రెస్ట్కూడా చూపించలేదన్నారు. ఇవాళ హైదరాబాద్కలెక్టరేట్లో మెట్రో రెండో దశలోని కారిడార్6 విస్తరణలో భాగంగా భూములు కోల్పోయిన 40 మంది నిర్వాసితులకు మెట్రో ఎండీ ఎన్వీఎస్రెడ్డితో కలిసి చెక్కులను అందజేశారు.
ఈ సందర్భంగా ఆయన మాట్లాడుతూ.. బాధితులకు మెట్రో సేష్టన్వద్ద వ్యాపారం చేసుకునే అవకాశం కల్పించాలన్నారు. రూ. 741 కోట్లతో ఎంజీబీఎస్నుంచి చాంద్రాయణగుట్ట వరకు 7.5 కిలోమీటర్ల మెట్రో విస్తరణ జరుగుతుందన్నారు. యుద్దప్రాతిపదికన పనులు చేపట్టి నాలుగేండ్లలో పూర్తి చేయాలన్నారు. టూరిజం ఉన్న చోట స్కై వాక్కట్టాలన్నారు.
