- టీ20 ఆల్‌‌‌‌‌‌‌‌రౌండర్లలో టాప్ ర్యాంక్‌‌‌‌‌‌‌‌తో రికార్డు
ఢిల్లీ: టీ20 వరల్డ్ కప్‌‌‌‌‌‌‌‌లో సూపర్ పెర్ఫామెన్స్‌ చేసి ఇండియా విజయంలో కీలక పాత్ర పోషించిన ఆల్‌‌‌‌‌‌‌‌రౌండర్‌ హార్దిక్‌ పాండ్యా ఆనందం రెట్టింపైంది. ఫైనల్లో అదరగొట్టిన పాండ్యా ఐసీసీ టీ20 ఆల్‌‌‌‌‌‌‌‌రౌండర్ల జాబితాలో నంబర్ వన్ ర్యాంక్‌ అందుకున్నాడు.
ఈ ఘనత సాధించిన తొలి ఇండియన్‌‌‌‌‌‌‌‌గా రికార్డు సృష్టించాడు. వరల్డ్ కప్‌ లో రాణించడంతో పాండ్యా ఐసీసీ బుధవారం విడుదల చేసిన తాజా ర్యాంకింగ్స్‌‌‌‌‌‌‌‌లో రెండు స్థానాలు మెరుగై శ్రీలంక ఆటగాడు వానిందు హసరంగతో కలిసి సంయుక్తంగా అగ్రస్థానం సాధించాడు. టీ20 వరల్డ్ కప్‌‌‌‌‌‌‌‌లో 144 రన్స్‌ చేసిన పాండ్యా 11 వికెట్లు కూడా పడగొట్టాడు. మరోవైపు ఇండియా పేస్ లీడర్‌ జస్‌‌‌‌‌‌‌‌ప్రీత్‌ బుమ్రా బౌలర్లలో 12 స్థానాలు మెరుగై 12వ ర్యాంక్‌ అందుకున్నాడు. 2020 తర్వాత అతనికి ఇదే అత్యుత్తమ ర్యాంక్‌ కావడం విశేషం.
