యానిమల్‌’ చిత్రం తర్వాత విలన్‌‌‌‌గా బిజీ అయిన బాలీవుడ్ నటుడు బాబీ డియోల్.. ఇటీవల ‘డాకు మహారాజ్‌’ చిత్రంలో కనిపించాడు. పవన్ కళ్యాణ్ ‘హరిహర వీరమల్లు’లోనూ డిఫరెంట్ క్యారెక్టర్ చేస్తున్నాడు. సోమవారం బాబీ డియోల్ పుట్టినరోజు సందర్భంగా ఈ చిత్రం నుంచి తన గెటప్‌‌‌‌ను రివీల్ చేశారు. ఇందులో యుద్ధానికి సిద్ధం అన్నట్టుగా కత్తి పట్టిన వీరుడిగా ఇంటెన్స్‌ లుక్‌‌‌‌లో ఇంప్రెస్ చేస్తున్నాడు. దర్శకుడు జ్యోతికృష్ణ రూపొందిస్తున్న ఈ చిత్రంలో చారిత్రాత్మక యోధుడి పాత్రలో పవన్ కళ్యాణ్ నటిస్తుంటే, బాబీ డియోల్ కీలక పాత్రలో కనిపించనున్నాడు.
నిధి అగర్వాల్ హీరోయిన్‌. అనుపమ్ ఖేర్, నాజర్, రఘుబాబు ముఖ్య పాత్రల్లో నటిస్తున్నారు. ఏఎం రత్నం సమర్పణలో ఎ దయాకర్ రావు నిర్మిస్తున్నారు. కీరవాణి సంగీతం అందిస్తున్నారు. రెండు భాగాలుగా రూపొందుతోన్న ఈ మూవీ ఫస్ట్ పార్ట్ మార్చి 28న తెలుగు, తమిళ, కన్నడ, మలయాళ, హిందీ భాషల్లో విడుదల కానుంది.
