హైదరాబాద్, వెలుగు: సభలో మంత్రి పొంగులేటి శ్రీనివాస్ రెడ్డి, బీఆర్ఎస్ ఎమ్మెల్యే హరీశ్ రావు మధ్య హాట్హాట్గా చర్చ నడిచింది. కోమటిరెడ్డి రాజగోపాల్ రెడ్డి మాట్లాడుతుండగా.. హరీశ్రావు కల్పించుకొని ఓఆర్ఆర్ అంశాన్ని ప్రస్తావించారు. రాష్ట్రం హుందాతనం గురించి రాజగోపాల్ రెడ్డి మాట్లాడుతున్నారని, మరి, సీఎం చేసిన వ్యాఖ్యలేంటని ప్రశ్నించారు.
ALSO READ : ఓఆర్ఆర్ టెండర్పై సిట్..హరీశ్రావు కోరిక మేరకు విచారణకు ఆదేశిస్తున్నం
ఓఆర్ఆర్ టెండర్లను తాను రద్దు చేయమన్నానేగానీ, విచారణ చేయాలని అడగలేదని తెలిపారు. కానీ, సీఎం మాత్రం హరీశ్ రావు డిమాండ్ మేరకే సిట్ ఏర్పాటు చేసి విచారణ చేస్తున్నామని చెప్పడం ఎంత వరకు సమంజసమని ప్రశ్నించారు. మంత్రి పొంగులేటి శ్రీనివాస్ రెడ్డి కల్పించుకొని.. విచారణ చేయకుండా టెండర్లు ఎలా రద్దు చేస్తారని ప్రశ్నించారు. ఒక్కసారి అగ్రిమెంట్ అయ్యాక విచారణ జరగకుండా రద్దు చేస్తారా? అని ప్రశ్నించారు.
