- ప్రభుత్వానికి చీమకుట్టినట్టయినా లేదు : హరీశ్రావు
హైదరాబాద్, వెలుగు : రాష్ట్రంలోని గురుకులాల్లో వరుస ఫుడ్ పాయిజన్ ఘటనలు జరుగుతున్నా ప్రభుత్వ తీరు మాత్రం మారడం లేదని మాజీ మంత్రి హరీశ్ రావు అన్నారు. మంచిర్యాల గిరిజన గురుకులంలో 12 మంది విద్యార్థినులు ఆసుపత్రి పాలైన ఘటన జరిగి ఒక్క రోజు కాకముందే..
మరో గురుకులంలో వాంతులు, కడుపునొప్పితో విద్యార్థులు ఆస్పత్రిలో చేరడం దయనీయమని పేర్కొన్నారు. ఈ మేరకు శుక్రవారం ఆయన ఎక్స్ లో పోస్ట్ పెట్టారు. ఇలాంటి కేసులు పునరావృతం కాకుండా చర్యలు తీసుకోవాలన్నారు.
