సుధీర్ బాబు హీరోగా ‘సెహరి’ఫేమ్ జ్ఞానసాగర్ ద్వారక దర్శకత్వంలో తెరకెక్కుతున్న పాన్ ఇండియా మూవీ ‘హరోం హర’. సుమంత్ జి నాయుడు నిర్మాత. ఇప్పటికే విడుదలైన టీజర్, సాంగ్స్ ఆకట్టుకున్నాయి. మునుపెన్నడూ లేని ఇంటెన్స్ క్యారెక్టర్‌‌‌‌లో సుధీర్ కనిపిస్తున్నాడు. మాళవిక శర్మ హీరోయిన్‌. ఇందులో సునీల్, , అక్షర గౌడ కీలకపాత్రలు పోషిస్తున్నారు.
తాజాగా ఈ సినిమా కొత్త రిలీజ్ అప్డేట్ ఇచ్చారు మేకర్స్. హరోం హర మూవీ ఈ నెల (మే 31న) రిలీజ్ కావాల్సి ఉన్నా..మేకర్స్ వాయిదా వేశారు. ఎందుకంటే,అదే రోజు (మే 31న) థియేటర్లో మరో ఐదు సినిమాలు రిలీజ్ కావాల్సి ఉన్నాయి. దీంతో హరోం హర మూవీని వచ్చే నెల జూన్ 14వ తేదీకి వాయిదా వేశారు. అయితే తాజాగా రిలీజ్ అప్డేట్ ఇస్తూ..ఓ కొత్త పోస్టర్ తో పాటు చిన్న వీడియో క్లిప్ కూడా రిలీజ్ చేశారు. అందులో సుధీర్ బాబు చేతిలో గన్ పట్టుకొని ఇంటెన్స్ లుక్ లో ఆకట్టుకుంటున్నాడు.
ఈ రిలీజ్ డేట్పై సుధీర్ బాబు ట్వీట్ చేస్తూ.."వివిధ కారణాల వల్ల, హరోం హర ఇప్పుడు జూన్ 14న ప్రపంచవ్యాప్తంగా థియేటర్లలో విడుదల కానుంది. కృష్ణ గారి బర్త్ డే సందర్భంగా రిలీజ్ మిస్ అయినందుకు బాధగా ఉన్నా, జూన్ ఇప్పటికీ నా లక్కీ నెల. ఈ సమయంలోనే PKC & సమ్మోహనం సినిమాలు రెండూ విడుదలయ్యాయి" అంటూ తెలిపారు.
For various reasons, #HaromHara will now be releasing in theaters worldwide on 14th June. Although I feel sad for missing the release on the occasion of Krishna gari birthday, nevertheless June is still my lucky month. PKC & Sammohanam were both released during this time😎 I… pic.twitter.com/NZvcKA2Fdu
— Sudheer Babu (@isudheerbabu) May 21, 2024
గ్యాంగ్స్ ఆఫ్ గోదావరి, హరోమ్ హర, సత్యభామ, గం గం గణేశ, మ్యూజిక్ షాప్ మూర్తి మరియు భజే వాయు వేగం సినిమాలు మే 31న రిలీజ్ అయ్యే అవకాశాలు ఉన్నాయి. దీంతో హరోం హర రిలీజ్ వాయిదా అయినట్లు సమాచారం. ఏదేమైనా సుధీర్ సోలోగా వచ్చి ఎలాంటి హిట్ అందుకుంటాడో చూడాలి.
1989 నాటి చిత్తూరు జిల్లా కుప్పం నేపథ్యంలో తెరకెక్కిస్తున్నారు.ఈ సినిమా కోసం సుధీర్ బాబు చిత్తూరు యాస నేర్చుకుంటున్నారట. అలాగే, ఈ మూవీని తెలుగు ప్రాంతాల వరకే కాకుండా..పాన్ ఇండియా లెవెల్లో నిర్మిస్తున్నారు.సుధీర్ బాబు కెరీర్లోనే భారీ బడ్జెట్తో రానున్న ఈ చిత్రానికి చైతన్ భరద్వాజ్ సంగీతం అందిస్తుండగా..శ్రీ సుబ్రహ్మణ్యేశ్వర సినిమాస్ నిర్మిస్తోంది.
