ఐపీఎల్ లో భాగంగా ప్లే ఆఫ్స్ మ్యాచ్ లు మంగళవారం (మే 21) నుంచి ప్రారంభం కానున్నాయి. ఇందులో భాగంగా నేడు క్వాలిఫయర్ 1 లో కోల్‌కతా నైట్ రైడర్స్ తో సన్ రైజర్స్ హైదరాబాద్ తలపడనుంది. అహ్మదాబాద్‌లోని నరేంద్ర మోడీ స్టేడియం ఈ మ్యాచ్ కు ఆతిధ్యమిస్తుంది. ఈ మ్యాచ్ లో కేకేఆర్ హాట్ ఫేవరేట్ గా బరిలోకి దిగుతుంది. బ్యాటింగ్, బౌలింగ్ విభాగాల్లో సమతూకంగా కనిపిస్తున్న అయ్యర్ బృందానికి దేశవ్యాప్తంగా ఎక్కువగా మద్దతు లభిస్తుంది. ఇదిలా ఉంటే.. తాజాగా ఇంగ్లాండ్ స్టార్ ఫుట్ బాల్ ప్లేయర్ హ్యారీ కేన్ కోల్ కతా కు సపోర్ట్ చేయడం ప్రస్తుతం వైరల్ గా మారింది.
"హే కోల్‌కతా నైట్ రైడర్స్. ఈ సీజన్ గొప్పగా ప్రారంభించారు. ఈ సీజన్ లో మిగిలిన ప్రతి మ్యాచ్ గెలవాలని కోరుకుంటున్నాను. నా సపోర్ట్ మీకే". అని తెలిపాడు. ఈ విషయాన్ని కేకేఆర్ జట్టు యాజమాన్యం ఎక్స్ లో పోస్ట్ చేసింది. ఇంగ్లాండ్ స్టార్ ఫుట్ బాల్ ప్లేయర్ గా ప్రపంచ వ్యాప్తంగా తనదైన ముద్ర వేసుకున్న కేన్.. కేకేఆర్ కు సపోర్ట్ చేయడం వెనుక కారణం లేకపోలేదు. ఇంగ్లాండ్ మాజీ కెప్టెన్ ఇయాన్ మోర్గాన్ గతంలో కోల్ కతా నైట్ రైడర్స్ కు కెప్టెన్ గా చేసిన సంగతి తెలిసిందే. 2021 లో మోర్గాన్ కెప్టెన్సీలో కేకేఆర్ రన్నరప్ గా నిలిచింది. ఫైనల్లో చెన్నై సూపర్ కింగ్స్ చేతిలో 27 పరుగుల తేడాతో ఓడిపోయింది.
కేన్ కు మోర్గాన్ స్నేహితుడు కావడం వలనే తన సపోర్ట్ కోల్‌కతా నైట్ రైడర్స్ కు తెలుపుతున్నట్లు అర్ధమవుతుంది. కేన్ సపోర్ట్ చేయడంతో ఇప్పుడు కేకేఆర్ ఫ్యాన్స్ కు కొత్త భయం పట్టుకుంది. హ్యారీ కేన్ ఇంగ్లాండ్ కు చెందిన ఫుట్ బాల్ ప్లేయర్. ఈ స్టార్ ప్లేయర్ బాగా ఆడినప్పటికీ కొన్నేళ్లుగా ఇంగ్లాండ్ కు దురదృష్టవశాత్తు వరల్డ్ కప్ రావట్లేదు. దీంతో కేకేఆర్ కు కూడా కప్ రాదేమోనని ఫ్యాన్స్ వింత భయంలో ఉన్నారు. మరి వీరి భయం ఎంతవరకు నిజమవుతువుందో చూడాలి.
A special message from Munich 💌
— KolkataKnightRiders (@KKRiders) May 21, 2024
Grateful for your support, Harry Kane and everyone at @FCBayern! 💜❤️ pic.twitter.com/WIC9J0lQxd
A special message from Munich 💌
— KolkataKnightRiders (@KKRiders) May 21, 2024
Grateful for your support, Harry Kane and everyone at @FCBayern! 💜❤️ pic.twitter.com/WIC9J0lQxd
