- ఏడాదిన్నరగా ఎవరికి వారే.. తీరుగా జిల్లా కాంగ్రెస్ నేతలు
- సీడబ్ల్యూసీ పదవి కోసం నువ్వా నేనా అనేలా ప్రయత్నాలు
- యాత్ర ఏర్పాట్లలోనూ కనిపించని ఐక్యత..
- యాత్ర సక్సెస్పై క్యాడర్లో ఆందోళన
నిజామాబాద్, వెలుగు: ‘హాత్ సే హాత్ జోడో యాత్ర’ కు జిల్లా కాంగ్రెస్లో వర్గపోరు బుగులు పట్టుకుంది. జిల్లాలో ఈ నెల 12 నుంచి ఆరు రోజుల పాటు టీపీసీసీ చీఫ్రేవంత్రెడ్డి పాదయాత్ర సాగనుండడంతో మూడు వర్గాలుగా ఏర్పడిన కాంగ్రెస్ సీనియర్ల ఐక్యతపై క్యాడర్లో ఆందోళన నెలకొంది. గత నెల పార్టీ సీడబ్ల్యూసీ మెంబర్ పదవి కోసం జిల్లా లీడర్లు నువ్వా నేనా అన్నట్లు ప్రయత్నాలు చేశారు. అంతకు ముందు డీసీసీ కొత్త కమిటీ నియామకం సందర్భంగా లీడర్లు బహిరంగంగానే విమర్శించుకున్నారు. ఈ నేపథ్యంలో రేవంత్ పాదయాత్రలో కలిసి నడుస్తారా? ఎవరికి వారే అన్నట్లుగా సాగుతారా? అన్న చర్చ జరుగుతోంది.
సీడబ్ల్యూసీ పదవి కోసం..
టీపీసీసీ ప్రెసిడెంట్ పదవి తనకు ఇవ్వకుండా అన్యాయం చేశారని సీడబ్ల్యూసీ ఇవ్వాలని సీనియర్ నేత మధు యాష్కీ హైకమాండ్ను కోరుతున్నారు. జాతీయ నేత రాహుల్ గాంధీకి సన్నిహితంగా ఉండే యాష్కీ పదవి కోసం తీవ్రంగా ప్రయత్నిస్తున్నారు. రేవంత్ టీమ్ గా చెప్పే మాజీ మంత్రి సుదర్శన్రెడ్డి కూడా ప్రయత్నిస్తుండగా, మైనారిటీ కోటాలో సీనియర్ నేత షబ్బీర్ అలీ పేరు కూడా తెరపైకి వచ్చింది. దీంతో పదవి నీకా..? నాకా..? అన్నట్లు ముగ్గురు నేతల మధ్య వర్గపోరు మొదలైంది. కానీ జిల్లాలో నేతల మధ్య వర్గపోరు లేదని ఐక్యతతో ముందుకు వెళుతున్నామని డీసీసీ ప్రెసిడెంట్మానాల మోహన్రెడ్డి చెప్తున్నారు.
డీసీసీ, పీసీసీ నియామకాల్లోనూ..
ఐదు నెలల కింద నియమించిన డీసీసీ ప్రెసిడెంట్, టీపీసీసీ వైస్ ప్రెసిడెంట్, జనరల్ సెక్రటరీల పోస్టులు మాజీ మంత్రి వర్గానికే దక్కాయి. టీపీసీసీ వర్కింగ్ ప్రెసిడెంట్మహేశ్గౌడ్, ప్రచార కమిటీ చైర్మన్మధుయాష్కీ ప్రతిపాదించిన బాడ్సి శేఖర్గౌడ్ కు డీసీసీ రాలేదు. సుదర్శన్ రెడ్డి శేఖర్గౌడ్కు పదవి రాకుండా అడ్డుకుని తన అనుచరుడు మోహన్ రెడ్డి కి పదవి ఇప్పించుకున్నారని మధుయాష్కీ వర్గీయులు ఆరోపించారు. ఈ నేపథ్యంలో కాంగ్రెస్పార్టీ స్ట్రాటజిస్ట్ సునీల్ డీసీసీల ఎంపికపై ఇచ్చిన రిపోర్ట్ కు విరుద్ధంగా ప్రెసిడెంట్లను నియమించారని యాష్కీ చేసిన కామెంట్స్అప్పట్లో జిల్లాలో దుమారం రేపాయి.
సిట్టింగ్ప్రెసిడెంట్మానాల మోహన్రెడ్డి పనితీరు బాగాలేదని రిపోర్ట్ ఇచ్చినా అతనికే మళ్లీ ఇవ్వడమేమిటని మండిపడ్డారు. ఈ కామెంట్స్తో జిల్లా కాంగ్రెస్లో మాజీ మంత్రి సుదర్శన్ టీమ్ను యాష్కీ టార్గెట్ చేసినట్లు కనిపించింది. మొట్ట మొదటి కార్యవర్గ మీటింగ్ కు మాజీ మంత్రి సుదర్శన్ రెడ్డి హాజరు కాగా వర్కింగ్ ప్రెసిడెంట్ మహేశ్ గౌడ్, టీపీసీసీ ప్రచార కమిటీ చైర్మన్మధుయాష్కీ లతో పాటు అనుచరులు కూడా గైర్హాజరయ్యారు. ఈ మీటింగ్లో పార్టీకి వ్యతిరేకంగా పనిచేసే లీడర్లపై హైకమాండ్క్రమశిక్షణా చర్యలు తప్పవని మాజీ మంత్రి సుదర్శన్ రెడ్డి చేసిన కామెంట్స్ జిల్లాలో వర్గపోరుకు ఆజ్యం పోశాయి. టీపీసీసీ పదవులు, డీసీసీ ప్రెసిడెంట్పోస్టుల్లో రెడ్డి వర్గీయులకే పెద్దపీట వేసి బీసీ, ఎస్సీ, ఎస్టీ వర్గాలకు అన్యాయం చేశారని యాస్కీ వర్గం నేతలు ఆరోపించారు.
రెడ్డి వర్సెస్ బీసీ అనేలా..
జిల్లాలో సీనియర్ లీడర్లు అయిన డీసీసీ మాజీ ప్రెసిడెంట్తాహెర్ బిన్ హందాన్, పీసీసీ వైస్ ప్రెసిడెంట్ గంగాధర్, మాజీ సెక్రటరీ నగేశ్రెడ్డిలకు టీపీసీసీలో జనరల్ సెక్రటరీ పదవులు దక్కాయి. డీసీసీ పోస్టులో సిట్టింగ్ ప్రెసిడెంట్ మోహన్ రెడ్డి 2వ సారి నియమితులయ్యారు. బీసీల ప్రాబల్యం ఉన్న జిల్లాలో రెడ్డి సామాజిక వర్గానికి చెందిన మోహన్ రెడ్డి వైపు మొగ్గు చూపారు. రూరల్ అసెంబ్లీలో కీలక నేత శేఖర్ గౌడ్ కు పదవి రాకుండా మంత్రి అడ్డుపడినట్లు ఆరోపణలు వచ్చాయి.
నాలుగేండ్ల కింద మొదలై..
సుదర్శన్రెడ్డి, మధు యాష్కీల మధ్య నాలుగేండ్ల కింద విభేదాలు మొదలయ్యాయి. 2019లో జరిగిన పార్లమెంట్ ఎన్నికల్లో ఎన్నికల ఇన్చార్జిగా సుదర్శన్రెడ్డి నియామకమయ్యారు. కానీ ఎంపీ అభ్యర్థిగా మధు యాష్కీ నామినేషన్ వేసిన వెంటనే ఇన్చార్జి పదవి నుంచి సుదర్శన్ రెడ్డి తప్పుకున్నారు. సీనియర్నేత తప్పుకోవడంతో పార్టీ కార్యకర్తలు డీలాపడ్డారు. ఆ ఎన్నికల్లో మధుయాష్కీ ఓడిపోయారు. దీంతో మధు యాష్కీ , సుదర్శన్ రెడ్డి మధ్య వార్మొదలైంది. ఏడాది కింద టీపీసీసీ ప్రచార కమిటీ చైర్మన్గా మధుయాష్కీ నియమితులయ్యారు. పదవి వచ్చిన సందర్భంగా జిల్లాలో స్వాగత సభకు, బోధన్లో నిర్వహించిన కాంగ్రెస్సభకు సుదర్శన్రెడ్డి హాజరు కాలేదు.
బోధన్ముఖ్య నేతలతో హైకమాండ్హైదరాబాద్లో మీటింగ్ నిర్వహించగా, మధుయాష్కీ హాజరు కాలేదు. దీంతో పీసీసీ ప్రెసిడెంట్రేవంత్రెడ్డి జోక్యం చేసుకుని మాట్లాడడంతో విబేధాలకు తెర పడినట్లయింది. మళ్లీ నిజామాబాద్లో పార్టీ మెంబర్షిప్రివ్యూ మీటింగ్లో మధు యాష్కీపై క్రమ శిక్షణ చర్యలు తీసుకోవాలని మాజీ ఎమ్మెల్యే అనిల్ తీర్మానం ప్రవేశపెట్టారు. మంత్రి సుదర్శన్ రెడ్డికి సన్నిహితుడిగా ఉన్న అనిల్తీర్మానం పెట్టడంతో మళ్లీ వీరిద్దరి మధ్య విభేదాలు మొదలయ్యాయి. ఈ నేపథ్యంలో తాజాగా రేవంత్రెడ్డి పాదయాత్రకు సీనియర్లీడర్లు చేయి చేయి కలిపి నడుస్తారా? లేదా క్యాడర్లో ఆందోళన రేపుతోంది.
