- ఈనెల 16 నుంచి ఉర్సు ప్రారంభం
- ఉత్సవాలకు ఏర్పాట్లు పూర్తి
పర్వతగిరి, వెలుగు: వరంగల్జిల్లా పర్వతగిరి మండలం అన్నారం షరీఫ్ దర్గా మత సామరస్యానికి ప్రతీకగా నిలుస్తుంది. ఇక్కడ భక్తులు కోరిన కోరికలు నెరవేరుతాయని భక్తుల నమ్మకం. హజ్రత్ సయ్యద్ యాకూబ్షావళి దర్గా ఉర్సు ఏటా మూడు రోజులపాటు నిర్వహించనుండగా, ఈ నెల 16 నుంచి ప్రారంభం కానున్నది. వక్ఫ్బోర్డు ఆధ్వర్యంలో ఉత్సవాలకు ఏర్పాట్లు చేశారు. 16న గంధం, 17న దీపారాధన, అన్నదానం, 18న ఖతుముల్ ఖురాన్తో ఉత్సవాలు ముగుస్తాయి. అన్నారంలో యాకూబ్బాబా దర్గాతోపాటు గౌష్పాక్, మహాబూబీమా, బోలేషావాళి, గుంషావళి దర్గాలున్నాయి. ఆయా దర్గాల వద్ద కూడా భక్తులు ఉత్సవాలు జరుపుతారు. ఈ వేడుకలకు వచ్చే భక్తుల కోసం వరంగల్, హనుమకొండ, తొర్రూరు, నర్సంపేట, ఖమ్మంతోపాటు ఇతర ప్రాంతాల నుంచి కూడా ఆర్టీసీ ఆధ్వర్యంలో ప్రత్యేక బస్సులు ఏర్పాటు చేశారు.
16 నుంచి ఉత్సవాలు
ఈనెల 16 నుంచి ఉత్సవాలు ప్రారంభమవుతాయి. ఉర్సుకు వచ్చే భక్తులకు ఎలాంటి ఇబ్బందులు లేకుండా ఏర్పాట్లు చేశాం. ఏర్పాట్ల కోసం వక్ఫ్బోర్డు నుంచి రూ. 8.50 లక్షలు మంజూరయ్యాయి. ఉత్సవాల ప్రారంభోత్సవానికి వర్దన్నపేట ఎమ్మెల్యే కేఆర్ నాగరాజు, స్టేట్ వక్ఫ్బోర్డు నుంచి హాజరవుతున్నారు.- రియాజ్ పాషా, వక్ఫ్ బోర్డు ఇన్స్పెక్టర్
