హైదరాబాద్, వెలుగు: టెక్నాలజీ కంపెనీ హెచ్సీఎల్ టెక్ తన వ్యాపార కార్యకలాపాలను విస్తరించడంలో భాగంగా హైదరాబాద్లో కొత్త సెంటర్ను ప్రారంభించింది. ఇది హైటెక్, లైఫ్ సైన్సెస్, ఫైనాన్షియల్ సర్వీసెస్ వంటి కంపెనీల గ్లోబల్ క్లయింట్‌‌‌‌లకు అత్యాధునిక క్లౌడ్, ఏఐ డిజిటల్ సొల్యూషన్లను అందిస్తుంది.
హైటెక్ సిటీలోని ఈ ఆఫీసులో ఐదు వేల మంది కూర్చోవచ్చు. దీనికి ఇండియన్ గ్రీన్ బిల్డింగ్ కౌన్సిల్ నుంచి గోల్డ్ సర్టిఫికేషన్‌ వచ్చిందని హెచ్సీఎల్ టెక్ ప్రకటించింది. 2007 నుంచి హైదరాబాద్లో కార్యకలాపాలు నిర్వహిస్తున్నామని తెలిపింది. కొత్త దానితో కలుపుకుంటే హైదరాబాద్లో తమ సెంటర్ల సంఖ్య హైదరాబాద్లో ఐదుకు చేరిందని హెచ్సీఎల్ టెక్ పేర్కొంది.
