న్యూఢిల్లీ: హెచ్డీఎఫ్సీ క్రెడిలా ఫైనాన్షియల్ సర్వీసెస్లోని 90 శాతం వాటాను రూ. 9,060 కోట్లకు అమ్మేసినట్లు హెచ్డీఎఫ్సీ లిమిటెడ్ ప్రకటించింది. క్రిస్ క్యాపిటల్ సహా పలు ప్రైవేట్ ఈక్విటీ కంపెనీలు ఈ వాటాను కొనుగోలు చేసినట్లు తెలిపింది. ఎడ్యుకేషన్ లోన్లు ఇవ్వడం కోసం క్రెడిలా ఫైనాన్షియల్ సర్వీసెస్ను హెచ్డీఎఫ్సీ ఏర్పాటు చేసింది. హెచ్డీఎఫ్సీ బ్యాంక్తో విలీనానికి ముందుగానే హెచ్డీఎఫ్సీ ఈ అమ్మకాన్ని వెల్లడించింది. హెచ్డీఎఫ్సీ క్రెడిలాలో వాటా అమ్మడానికి డెఫినిటివ్ ఎగ్రిమెంట్లు కుదుర్చుకున్నట్లు హెచ్డీఎఫ్సీ లిమిటెడ్, హెచ్డీఎఫ్సీ బ్యాంక్, హెచ్డీఎఫ్సీ క్రెడిలా ఫైనాన్షియల్ సర్వీసెస్ లిమిటెడ్లు ప్రకటించాయి.
హెచ్డీఎఫ్సీ క్రెడిలా 2022–23 లో రూ. 1,352 కోట్ల రెవెన్యూ సాధించింది. మార్చి 2023 నాటికి ఈ కంపెనీ నెట్వర్త్ రూ. 2,435 కోట్లు. వాటా కొనుగోలు చేసిన కొప్వూర్న్ బీ. వీ, మోస్ ఇన్వెస్ట్మెంట్స్, డెఫాటి ఇన్వెస్ట్మెంట్స్ హోల్డింగ్ బీ. వీ, ఇన్ఫినిటీ పార్ట్నర్స్.... ప్రైవేట్ ఈక్విటీ కంపెనీ క్రిస్క్యాపిటల్కి చెందినవేనని హెచ్డీఎఫ్సీ స్టాక్ ఎక్స్చేంజీలకు పంపిన సమాచారంలో తెలిపింది. పై కన్సార్టియమ్ హెచ్డీఎఫ్సీ క్రెడిలా ఫైనాన్షియల్ సర్వీసెస్ విలువను రూ. 10,350 కోట్లుగా లెక్కకట్టాయని, కొత్తగా రూ. 2,000 కోట్లను కంపెనీలో పెట్టుబడిగా పెట్టాలనుకుంటున్నాయని పేర్కొంది. హెచ్డీఎఫ్సీ క్రెడిలాలో 9.99 శాతం వాటాను మాత్రం హెచ్డీఎఫ్సీ అట్టేపెట్టుకుంటోంది. హయ్యర్ ఎడ్యుకేషన్తోపాటు, విదేశాలలో ఎడ్యుకేషన్కూ ఈ కంపెనీ స్టూడెంట్లకు అప్పులు ఇస్తోంది. ఇప్పటిదాకా 1.24 లక్షల మంది కస్టమర్లకు మొత్తం రూ. 15 వేల కోట్లకు పైగా ఎడ్యుకేషన్ లోన్లను క్రెడిలా ఇచ్చింది.
