మీకోసం మీరు..
ఇంట్లో ఆడవాళ్లు అనారోగ్యం బారిన పడితే తన వాళ్లకు ఎలాంటి సపోర్ట్ ఇవ్వలేరు. వాళ్ల ఆరోగ్యం పట్ల శ్రద్ధ వహించినప్పుడు ఫిజికల్, మెంటల్, ఎమోషనల్గా ప్రిపేర్‌ అవ్వగలుగుతారు. అలా ఉండాలంటే సెల్ఫ్ కేర్ మీద ఎక్కువ దృష్టిపెట్టాలి. దానివల్ల ఓవరాల్ హెల్త్ బాగుంటుంది.
ఆహారమే అమృతం!
పోషకాహారం ఆరోగ్యానికి మొదటి మెట్టు. సమతుల్య ఆహారం అనేది ఫిజికల్గానే కాదు మెంటల్ హెల్త్కి కూడా ఉపయోగపడుతుంది. టైంకి తినే అలవాటు ఉన్నవాళ్లలో పోషకాల పనితీరు బాగుంటుంది. రోజంతా చేసే పనుల్లో యాక్టివ్, ఎనర్జిటిక్గా ఉండేందుకు హెల్ప్ అవుతుంది.
నేచర్తో కనెక్ట్ అయ్యేలా..
ఫిజికల్ యాక్టివిటీ అంటే జిమ్లో వర్కవుట్లు చేయడం మాత్రమే అనుకుంటే పొరపాటు. అవుట్ డోర్ యాక్టివిటీలు, సోషల్ గేదరింగ్స్, వాకింగ్ వంటి నేచర్తో కనెక్ట్ అయ్యేలా ఉండాలి. సూర్యకాంతిలో కాసేపు ఉండడం ఆరోగ్యానికి చాలా మంచిది. డి – విటమిన్ లెవల్స్ సరిగ్గా ఉండేలా చూసుకోవాలి. అది ఎముకల బలానికి, ఇమ్యూనిటీకి మేలు చేస్తుంది.
