ఏపీ డెవలప్ మెంట్ స్కామ్ లో చంద్రబాబు బెయిల్, కస్టడీ పిటిషన్లపై విచారణకు విజయవాడ ఏసీబీ కోర్టు రేపటికి వాయిదా వేసింది. ఇవాళ న్యాయమూర్తి సెలవులో ఉండటంతో ఈ నిర్ణయం తీసుకుంది. ఇవాళ రెగ్యూలర్ న్యాయమూర్తి సెలవులో ఉండటంతో .. నేడు విచారణ చేపట్టడం సాధ్యం కాదని ఇన్‌ఛార్జి న్యాయమూర్తి ఈ నిర్ణయం తీసుకున్నారు.
బెయిల్ పిటిషన్ పై ఇవాళే వాదనలు వినాలని చంద్రబాబు తరుపు లాయర్లు ప్రమోద్ కుమార్ దూబే, దమ్మాలపాటి శ్రీనివాస్ కోరారు. అయితే ఈ రోజు వాదనలు విని ఉత్తర్వులు ఇవ్వడం కష్టమని జడ్జి స్పష్టం చేశారు. రేపటినుంచి తాను సెలవుపై వెళ్లనున్నట్లుగా తెలిపారు. రేపు రెగ్యులర్‌ కోర్టులో వాదనలు వినిపించాలని సూచించారు.
