రంగారెడ్డి: అసిస్టెంట్ మహిళా కొరియోగ్రాఫర్పై లైంగిక వేధింపుల కేసులో అరెస్ట్ అయిన ప్రముఖ కొరియోగ్రాఫర్, జనసేన లీడర్ జానీకి నిరాశ ఎదురైంది.ఈ కేసులో బెయిల్ కోసం జానీ దాఖలు చేసిన పిటిషన్పై విచారణను న్యాయస్థానం వాయిదా వేసింది. జానీ బెయిల్ పిటిషన్పై ఇవాళ (సెప్టెంబర్ 23) వాదనలు విన్న రంగారెడ్డి జిల్లా కోర్టు.. తదుపరి విచారణను ఎల్లుండి (సెప్టెంబర్ 25)కి వాయిదా వేసింది. ఈ కేసులో జానీకి బెయిల్ వస్తుందా..? రాదా..? తెలియాలంటే మరో రెండు రోజులు వెయిట్ చేయాల్సిందే.
ఇదిలా ఉంటే.. ఈ కేసులో కొరియోగ్రాఫర్ జానీని కస్టడీకి ఇవ్వాలని నార్సింగ్ పోలీసులు రంగారెడ్డి జిల్లా కోర్టులో కస్టడీ పిటిషన్ దాఖలు చేశారు. ఈ కేసుకు సంబంధించి మరిన్నీ వివరాలు రాబట్టేందుకు జానీని ఐదు రోజుల పాటు కస్టడీకి ఇవ్వాలని పోలీసులు కోరారు. ఈ పిటిషన్పైన ఇవాళ ఆర్గ్యూమెంట్స్ విన్న రంగారెడ్డి జిల్లా కోర్టు.. కస్టడీ పిటిషన్పై తదుపరి విచారణ రేపటి (సెప్టెంబర్ 24)కి వాయిదా వేసింది. దీంతో కొరియోగ్రాఫర్పై లైంగిక వేధింపుల కేసులో జానీకి బెయిల్ వస్తుందా..? లేదా పోలీస్ కస్టడీకి వెళ్తారా అనే దానిపై సస్పె్న్స్ నెలకొంది.
ALSO READ | జానీని వారం రోజులు అప్పగించండి.. కోర్టులో పోలీసుల కస్టడీ పిటిషన్
కాగా, కొరియోగ్రాఫర్ జానీ తనను లైంగికంగా వేధించడంతో పాటు పలుమార్లు అత్యాచారానికి పాల్పడ్డాని ఓ మహిళా కొరియోగ్రాఫర్ జానీపై పోలీసులకు ఫిర్యాదు చేసింది. బాధితురాలి ఫిర్యాదు మేరకు జానీపై పోక్సో యాక్ట్తో పాటు పలు సెక్షన్ల కింద పోలీసులు కేసు నమోదు చేశారు. జానీ మాస్టర్కు ఉప్పరపల్లి కోర్టు 14 రోజుల జ్యుడిషియల్ రిమాండ్ విధించింది. ఇందులో భాగంగా ప్రస్తుతం జానీ చంచల్ గూడ జైల్లో రిమాండ్ ఖైదీగా ఉన్నారు.
