- మూడు గంటలపాటు కుండపోత
హైదరాబాద్సిటీ, వెలుగు: హైదరాబాద్లో శుక్రవారం రాత్రి అకస్మాత్తుగా వాన దంచికొట్టింది. సుమారు తొమ్మిదిన్నర గంటల ప్రాంతంలో మొదలైన వాన అర్ధరాత్రి వరకు నాన్స్టాప్గా కురిసింది. చందానగర్, మియాపూర్, బోడుప్పల్, ఉప్పల్, పీర్జాదిగూడ, మలక్పేట, దిల్సుఖ్నగర్, చాదర్ఘాట్, కూకట్పల్లి, ముషీరాబాద్, సికింద్రాబాద్, కుత్బుల్లాపూర్, కొంపల్లి, సుచిత్ర, కీసర, అబిడ్స్, నాంపల్లి, కోఠి, చాంద్రాయణగుట్ట, మెహిదీపట్నం, మణికొండ, నార్సింగి, గండిపేట్, బండ్లగూడ జాగీర్, హిమాయత్ సాగర్, రాజేంద్రనగర్, అత్తాపూర్, పంజాగుట్ట, సికింద్రాబాద్తదితర ప్రాంతాల్లో ఉరుములు, మెరుపులతో జోరు వాన పడింది. దీంతో లోతట్టు కాలనీలు జలమయమయ్యాయి. ముంపు ప్రాంతాల్లో ఉన్న ఇండ్లలోకి నీళ్లు రావడంతో ప్రజలు ఇబ్బందులు పడ్డారు. ఓల్డ్సిటీతోపాటు పలు ప్రాంతాల్లో విద్యుత్సరఫరాకు అంతరాయం కలిగింది. రాత్రి అందరూ పడుకునే టైంలో వాన పడడంతో పెద్దగా ట్రాఫిక్ ఇబ్బందులు తలెత్తలేదు.
