హైదరాబాద్ సిటీ, వెలుగు: సిటీలోని పలు ప్రాంతాల్లో ఆదివారం సాయంత్రం వర్షం దంచి కొట్టింది. ఉదయం నుంచి తీవ్రమైన ఎండ ఉండగా, సాయంత్రం భారీ వర్షం పడింది. సాయంత్రం 6 గంటల నుంచి రాత్రి 11 గంటల వరకు కురిసిన వర్షానికి రోడ్లపై, లోతట్టు ప్రాంతాల్లోకి నీరు చేరింది.
వరద చేరిన ప్రాంతాల్లో హైడ్రా డీఆర్ఎఫ్ టీమ్స్, బల్దియా స్టాటిక్ టీమ్స్ వర్షపు నీటిని తొలగించే పనులు చేపట్టాయి. ఆర్సీపురం 5.65, షేక్ పేట్ 3.50, గచ్చిబౌలి 3.50 , చందానగర్ 3.33, గోల్కొండ 2.78, మియాపూర్ 2.75 సెంటిమీటర్ల వర్షం కురిసింది.
