హైదరాబాద్ సిటీలో భారీ వర్షం పడుతోంది. 2024, నవంబర్ 1 శుక్రవారం మధ్యాహ్నం వరకు ఎండగా ఉన్న వాతావరణం ఒక్కసారిగా మారింది. సిటీలో చాలా చోట్ల ఉన్నట్టుండి చాలా చోట్ల వర్షం పడుతోంది. జూబ్లీహిల్స్, బంజారాహిల్స్, ఫిల్మ్ నగర్, కొండాపూర్, మాదాపూర్, అమీర్ పేట్, పంజాగుట్ట, మియాపూర్, ఖైరతాబాద్, లక్డీకపూల్తో పాటు పలు ప్రాంతాల్లో భారీ వర్షం కురుస్తోంది. ఆకస్మిక వర్షంతో వాహనదారులు తీవ్ర ఇబ్బందులు పడుతున్నారు.
పలుచోట్ల రోడ్లపై భారీగా ట్రాఫిక్ జామ్ ఏర్పడింది. వాతావరణ శాఖ చెప్పినట్లే.. మూడు రోజులపాటు వర్ష సూచనలో భాగంగా హైదరాబాద్ సిటీలో వర్షం పడుతుంది. సిటీ వ్యాప్తంగానే కాకుండా సిటీ శివార్లలోనూ జోరు వాన పడింది. దీపావళి తర్వాత రోజు వర్షంతో.. గాలిలో పొల్యూషన్ తగ్గిపోతుందని.. ఇది మంచికే అంటున్నారు సిటీ వాసులు.
