హైదరాబాద్లో పలుచోట్ల వర్షం కురుస్తోంది. నగరమంతా మబ్బులు కమ్మేశాయి. భారీ వర్షాలు కురిసే ఛాన్స్ ఉందని వాతావరణశాఖ హెచ్చరించింది. ప్రస్తుతం సుచిత్ర, కొంపల్లి, జీడిమెట్ల, పెట్ బషీరాబాద్,బహదూర్ పల్లిలో దాదాపు అరగంటనుంచి భారీ వర్షం కురుస్తోంది. మరోవైపు శంషాబాద్ పరిసర ప్రాంతాలతోపాటు ఎయిర్ పోర్ట్ పరిధిలో వర్షం కురుస్తోంది.
కూకట్ పల్లిలో మళ్ళీ కూడా భారీ వర్షం కురుస్తోంది. కూకట్ పల్లి, కేపీహెచ్ బీ కాలనీ, జేఎన్టీయూ, మూసాపేట్ పరిసర ప్రాంతాల్లో వర్షం కురుస్తోంది. పలు కాలనీలు వర్షానికి జలమయమయ్యాయి. రోడ్లపై నీరు చేరడంతో జేఏన్టీయూ నుంచి కూకట్ పల్లి ప్రాంతాల్లో వర్షం కారణంగా వాహనదారులు రాకపోకలకు అంతరాయం ఏర్పడింది.
