- విజయవాడ జాతీయ రహదారిపై నిలిచిన వరద నీరు..
- నీటిలో నిలిచిపోయిన కార్లు, బైక్ లు
ఎల్బీనగర్/బషీర్ బాగ్/ మెహిదీపట్నం, వెలుగు : సిటీతో పాటు శివారులో శుక్రవారం సాయంత్రం భారీ వర్షం కురిసింది. దాదాపు గంట పాటు దంచి కొట్టడంతో ఆఫీసుల నుంచి ఇండ్లకు వెళ్లే ఉద్యోగులు, స్కూల్పిల్లలు ఇబ్బందులు పడ్డారు. దీంతో చాలామంది రోడ్ల పక్కన, ప్లై ఓవర్లు, మెట్రో కింద, బస్ స్టాపుల్లో ఆగిపోవాల్సి వచ్చింది. వినాయకుడి మండపాలు ఏర్పాటు చేసుకునే వారు, విగ్రహాలు తరలించేవారు తీవ్ర ఇబ్బందులకు గురయ్యారు. బషీర్ బాగ్, అబిడ్స్ , కోఠి , నారాయణగూడ , హిమాయత్ నగర్ ప్రాంతాల్లో కురిసిన వర్షానికి అబిడ్స్ లోని గోపి హోటల్ లైన్ లో మోకాళ్ల లోతు నీళ్లు చేరాయి.
ఇక ఎల్బీనగర్, వనస్థలిపురం, హయత్ నగర్, నాగోల్, బీఎన్ రెడ్డి నగర్, మీర్ పేట్ లో వర్షం కురవగా విజయవాడ జాతీయ రహదారిపై చింతలకుంటలో భారీగా వరద చేరింది. దీంతో భారీగా ట్రాఫిక్ స్తంభించింది. వరదకు మూడు కార్లు, పదుల సంఖ్యలో బైక్ లు నీళ్లో నిలిచిపోయాయి. లోతట్టు ప్రాంతాల్లోని కాలనీలు జలమయమయ్యాయి.
వెంటనే రంగంలోకి దిగిన జీహెచ్ఎంసీ డిజాస్టర్ మేనేజ్మెంట్ టీం, ట్రాఫిక్ పోలీసులు నివారణ చర్యలు చేపట్టారు. తుర్కయాంజాల్, ఇబ్రహీంపట్నం, మహేశ్వరం ప్రాంతాల్లో మోస్తరు వర్షం కురిసింది. టోలిచౌకి, లంగర్ హౌస్ మెయిన్రోడ్లన్నీ జలమయమయ్యాయి. దీంతో రోడ్లపై భారీగా వరద చేరి ట్రాఫిక్ జాం అయింది.
ఐటీ కారిడార్లో ట్రాఫిక్ జామ్
మాదాపూర్ : ఐటీ కారిడార్లోని మాదాపూర్, కొండాపూర్, గచ్చిబౌలి, రాయదుర్గం, హఫీజ్పేట్, చందానగర్, మియాపూర్ ఏరియాల్లో సాయంత్రం వర్షం అతలాకుతలం చేసింది. ఐటీ ఉద్యోగులంతా ఇండ్లకు బయలుదేరడంతో బయోడైవర్సిటీ జంక్షన్నుంచి ఐకియా జంక్షన్, సైబర్టవర్స్ మీదుగా జేఎన్టీయూ రూట్లో ట్రాఫిక్ స్తంభించింది.
బయోడైవర్సిటీ నుంచి గచ్చిబౌలి జంక్షన్ మీదుగా ఐఐఐటీ జంక్షన్వైపు, ఖాజాగూడ నుంచి షేక్పేట్వైపు, కొండాపూర్ నుంచి హఫీజ్పేట్రూట్లో ట్రాఫిక్ నిలిచిపోయింది. దీంతో ఆటోలు, టూవీలర్స్కాలనీల్లోని మర్లడంతో కాలనీ రోడ్లపై కూడా ట్రాఫిక్జామ్ఏర్పడింది. చందానగర్లోని వేంకుంటలో ఇండ్ల మధ్య వరద చేరింది.
రాత్రి 11 గంటల వరకు వర్ష పాతం
ప్రాంతం వర్షం(సెం.మీ)
గచ్చిబౌలి 4.38
ఆర్సీపురం 4.18
చందానగర్ 3.90
ఫిలింనగర్ 3.50
షేక్పేట 3.48
హెచ్సీయూ 3.30
విజయనగర్కాలనీ 3.28
ఆసిఫ్నగర్ 3.25
నాంపల్లి 3.20
హయత్నగర్ 2.70
అత్తాపూర్ 2.60
