తెలంగాణలో కొన్ని ప్రాంతాల్లో ఎండలు హోరెత్తిస్తుండగా.. పలు చోట్ల వర్షాలు కురుస్తున్నాయి. నల్గొండ జిల్లా చండూరులో ఉరుములు మెరుపులతో వడగండ్ల వాన బీభత్సం సృష్టించింది. భారీ వర్షానికి తోడు ఈదురుగాలులు వీస్తుండటంతో చేతికి వస్తున్న పంటలు నాశనమవుతున్నాయని రైతులు ఆందోళన వ్యక్తం చేస్తున్నారు. ఇప్పటికే 15 రోజుల క్రితం పడిన వానల వల్ల తీవ్రంగా నష్టపోయామని..ఇపుడు పడుతున్న వర్షాలతో ఉన్న కాస్త పంట కూడా చేతికందదని ఆవేదన వ్యక్తం చేస్తున్నారు. ప్రభుత్వం ఆదుకోవాలని కోరుకుంటున్నారు.
బంగాళఖాతంలో ఏర్పడిన అల్పపీడన ద్రోణి కారణంగా తెలంగాణలో మరో నాలుగు రోజుల పాటు వర్షాలు కురుస్తాయని వాతావారణ శాఖ తెలిపింది. నాలుగు రోజులు తేలిక పాటి నుంచి మోస్తారు వర్షాలు పడనున్నాయి. పలు జిల్లాల్లో ఉరుములు, మెరుపులతో కూడిన వర్షాలు పడతాయని వాతావరణ శాఖ వెల్లడించింది.
