రంగారెడ్డి జిల్లా నార్సింగి ఔటర్ రింగ్ రోడ్డుపై ఘోర ప్రమాదం జరిగింది. ఓవర్ లోడ్ తో వెళ్తున్న రోబో సాండ్ లారీ టైర్ బ్లాస్ట్ కావడంతో బోల్తా కొట్టింది. శుక్రవారం ( నవంబర్ 8, 2024 ) తెల్లవారుజామున నార్సింగి పోలీస్ స్టేషన్ సమీపంలో చోటు చేసుకుంది ఈ ప్రమాదం. ఓవర్ లోడుతో మితి మీరిన వేగంతో వెళ్తుండగా టైర్ బ్లాస్ట్ అవ్వటంతో లారీ పల్టీ కొట్టినట్టు తెలుస్తోంది. అప్ప జంక్షన్ నుండి కోకాపేట్ వైపు వెళ్తుండగా ప్రమాదం జరిగింది. ఈ ఘటనలో డ్రైవర్ స్వల్ప గాయాలతో బయటపడ్డాడు.
పల్టీ కొట్టిన లారీ రోడ్డుపై అడ్డంగా పడటంతో భారీగా ట్రాఫిక్ జామ్ అయ్యింది. రంగంలోకి దిగిన ట్రాఫిక్ సిబ్బంది భారీ క్రేన్ ల సాయంతో లారీని తొలగించి ట్రాఫిక్ ని క్లియర్ చేశారు. మితిమీరిన వేగం, ఓవర్ లోడే ఈ ప్రమాదానికి కారణమని తెలుస్తోంది. నిత్యం వందలాది లారీలు ఓవర్ లోడుతో, మితిమీరిన వేగంతో వెళ్తుంటాయని.. రవాణా శాఖ అధికారులు పట్టించుకోవట్లేదని ఆరోపిస్తున్నారు స్థానికులు.
.
