చౌటుప్పల్, వెలుగు: ఏపీ, తెలంగాణలో సోమవారం జరిగిన లోక్ సభ, అసెంబ్లీ ఎన్నికల్లో తమ ఓటు హక్కును వినియోగించుకునేందుకు హైదరాబాద్ నుంచి సొంత గ్రామాలకు ప్రజలు భారీగా తరలి వెళ్లారు. సోమవారం తమ ఓటు హక్కును వినియోగించుకున్న వారు తిరిగి హైదరాబాద్ బాట పట్టారు. ఈ క్రమంలో సాయంత్రం యాదాద్రి భువనగిరి జిల్లా చౌటుప్పల్ మండలం పంతంగి టోల్ ప్లాజా వద్ద విజయవాడ– హైదరాబాద్ జాతీయ రహదారిపై భారీగా ట్రాఫిక్ జాం అయింది.
వందల సంఖ్యలో ఒకేసారి వాహనాలు తరలి రావడంతో హైదరాబాద్ వైపు వెళ్లే లైన్ల సంఖ్యను పెంచి ట్రాఫిక్ జాం తగ్గించేందుకు జీఎంఆర్ సిబ్బంది చర్యలు చేపట్టారు.
