సున్నిపిండి(బాత్పౌడర్)తో స్నానం అంటే పాతపద్ధతి అనుకుంటారు. కానీ దీనివల్ల రిజల్ట్ చాలా బాగుంటుంది. స్కిన్ మీది డెడ్సెల్స్ పోయి చర్మం మెరుస్తూ, ఆరోగ్యంగా కనిపిస్తుంది. ఇదివరకు రోజుల్లో అయితే దాదాపు ప్రతి ఇంట్లో సున్నిపిండి వాడేవాళ్లు. కానీ బాత్సోప్స్ వచ్చాక ఈ బాత్పౌడర్ను చాలామంది మర్చిపోయారు. మళ్లీ ఒక్కసారి దీన్ని ట్రైచేసి చూస్తే రిజల్ట్ మీకే తెలుస్తుంది.
తయారీ ఇలా..
బియ్యం, శనగపప్పు, మినుములు, పెసలను కచ్చాపచ్చాగా గ్రైండ్ చేయాలి. తరువాత ఎండుకర్జూర, కర్పూరం వేసి మళ్లీ ఒకసారి గ్రైండ్ చేస్తే బాత్పౌడర్ రెడీ. ఈ పొడిలో నువ్వులనూనె వేసి మరీ తడిగా లేకుండా కలపాలి. ఈ మిశ్రమాన్ని ఒంటికి పట్టించి మసాజ్ చేసుకోవాలి. చివర్లో చర్మానికి కొంచెం నువ్వుల నూనె రాయాలి. లేదంటే ఆవుపాల మీద మీగడ వాడొచ్చు. ఇలా వారానికోసారైనా నలుగు పెట్టుకుంటే బాగుంటుంది. కావాలంటే పసుపు కలపొచ్చు.
