విక్రాంత్ మాసే..
బాలీవుడ్ యువ నటుడు విక్రాంత్ మాసే మీర్జాపూర్ సిరీస్ ముందువరకు అతనెవనేది అంతగా తెలియదు. కానీ,మీర్జాపూర్ వెబ్ సిరీస్తో మంచి గుర్తింపు తెచ్చుకుని విక్రాంత్.. అంటే ఎవరనేది బాలీవుడ్ లో గుర్తుపట్టేలా చేసుకున్నాడు. ఇక ఆ సినిమా తర్వాత 12 th ఫెయిల్ సినిమా తీసి బాలీవుడ్ కి కాదే..ఎంటైర్ నేషనల్ లెవల్లో పాపులారిటీ సంపాదించుకున్నాడు. అంతలా ఈ సినిమాలో తన నటనతో విమర్శకుల ప్రశంసలు అందుకున్నారు.
కాపీ కొట్టి ప‌రీక్ష‌లు రాసే చంబ‌ల్ విద్యార్థి క‌థను ఆస్కార్ వరకు తీసుకెళ్లడంలో డైరెక్టర్ వినోద్ చోప్రా కీ రోల్ పోషించాడు. కాపీ కొట్టే స్టూడెంట్..పట్టుద‌ల‌తో చ‌ద‌వి చివ‌ర‌కు కాపీ కొట్ట‌కుండానే పాసై..జీవితంలో ఎలా ఐపీఎస్‌ అయ్యాడ‌న్న స్టోరీని అద్భుతంగా తెరకెక్కించారు.
బ్లాక్ ఔట్ ఓటీటీ :
ప్రస్తుతం హీరో విక్రాంత్ మాసే బ్లాక్ఔట్ అనే మూవీ చేస్తున్నాడు. ఈ మూవీలో మౌనీ రాయ్ హీరోయిన్ గా నటించగా సునీల్ గ్రోవర్, జిషు సెంగుప్త, ఛాయాకదమ్, కరణ్ సోనావానే, సౌరభ్ గడ్గే కీలకపాత్రల్లో నటించారు. అయితే ఈ మూవీ థియేటర్లలో రిలీజ్ కాకుండా నేరుగా ఓటీటీలోకే వచ్చేస్తోంది. ఈ మేరకు బ్లాక్ఔట్ మూవీ స్ట్రీమింగ్ డేట్ ఫిక్స్ చేశారు మేకర్స్. ఈ మూవీ ప్రముఖ ఓటీటీ ప్లాట్‍ఫామ్‍ జియోసినిమా లో వచ్చే నెల జూన్ 7 నుంచి ప్రీమియర్ కానుంది. నేడు (మే 21) బ్లాక్ఔట్ టీజర్ రిలీజ్ చేస్తూ..స్ట్రీమింగ్ డేట్ ని జియోసినిమా వెల్లడించింది. ఈ మూవీ హిందీతో పాటు తెలుగు, తమిళం, కన్నడ, మరాఠీ, బెంగాలీ భాషల్లోనూ ఒకేసారి స్ట్రీమింగ్ కానుంది.
బ్లాక్ ఔట్ కథ:
దేవంగ్ శశీన్ భవ్సర్ డెబ్యూ డైరెక్టర్ గా తెరకెక్కిస్తున్న ఈ మూవీ టీజర్ ను బట్టి కథ విషయానికి వస్తే..ఓ రాత్రి వేళ విక్రాంత్ మాసే నడుపుతున్న కారును మరో కారు ఢీకొడుతుంది. అయితే, తనను ఢీకొట్టిన కారులో హీరో విక్రాంత్‍కు భారీగా బంగారు నగలు, డబ్బు దొరుకుతాయి. అయితే, ఆ తర్వాత అతడికి ఎదురైన సవాళ్లు, ఇబ్బందులు ఏంటి అనేదే టీజర్ లో ఆసక్తిగా చూపించారు. మరి రిలీజ్ అయ్యాక ఈ సినిమా ఎలాంటి విజయాన్ని అందుకుంటుందో చూడాలి.
