ఆది సాయికుమార్ హీరోగా కొత్త చిత్రం ప్రారంభమైంది. మేఘలేఖ హీరోయిన్. యశ్వంత్ దర్శకత్వంలో ప్రదీప్ జూలూరు నిర్మిస్తున్నారు. ‘ఎస్ఐ యుగంధర్’ టైటిల్‌‌తో తెరకెక్కనున్న ఈ చిత్రాన్ని శనివారం పూజా కార్యక్రమాలతో ప్రారంభించారు. ముహూర్తపు సన్నివేశానికి హీరో సందీప్ కిషన్ క్లాప్ కొట్టగా, సాయి కుమార్ మేకర్స్‌‌కి స్క్రిప్ట్ అందించారు.
ఈ సందర్భంగా రిలీజ్ చేసిన ఫస్ట్ లుక్ పోస్టర్‌‌‌‌లో.. పోలీస్ ఆఫీసర్‌ గెటప్‌‌లో ఆది ఆకట్టుకున్నాడు. ఆది మాట్లాడుతూ ‘ఇదొక క్రైమ్ యాక్షన్ థ్రిల్లర్. ఈనెల 18నుంచి రెగ్యులర్ షూటింగ్ స్టార్ట్ చేస్తున్నాం. కథ నచ్చి రైట్స్ తీసుకున్న ఈటీవీ విన్ వారికి థ్యాంక్యూ’ అని చెప్పాడు. ఈ చిత్రంలో రైటర్ రాకేందు మౌళి విలన్ పాత్ర పోషిస్తున్నాడు. ప్రణవ్ గిరిధరన్ మ్యూజిక్ అందిస్తున్నాడు.
