తమిళ స్టార్ హీరో అజిత్కు ప్రమాదం జరిగింది. దుబాయ్‌లో రేసింగ్ ట్రాక్పై ప్రాక్టీస్ చేస్తుండగా ఆయన కారు అదుపు తప్పి ట్రాక్ పక్కనున్న సైడ్ వాల్ను బలంగా ఢీకొట్టింది. 180 కిలో మీటర్ల స్పీడ్తో దూసుకెళ్లి అజిత్ కార్ సైడ్ వాల్ను ఢీకొట్టి కుదుపునకు లోనైంది. కారు ముందు భాగం ధ్వంసం అయ్యింది. ఈ ఘటనలో అజిత్కు ఎలాంటి ప్రమాదం జరగలేదు. స్వల్ప గాయాలతో హీరో బయటపడ్డాడు. అజిత్కు ప్రమాదం జరిగిందన్న వార్త క్షణాల్లో వైరల్ అయ్యింది.
దీంతో అజిత్ అభిమానులు తీవ్ర ఆందోళనకు గురి అయ్యారు. ప్రమాదంలో అజిత్కు ఎలాంటి గాయాలు కాకపోవడంతో అభిమానులు, హీరో కుటుంబ సభ్యులు ఊపిరి పీల్చుకున్నారు. రాబోయే రేసింగ్ ఛాంపియన్‌షిప్‌కు ప్రాక్టీస్ చేస్తోన్న సమయంలో ఈ ప్రమాదం జరిగినట్లు తెలుస్తోంది. ఈ ఘటనకు సంబంధించిన పూర్తి వివరాలు తెలియాల్సి ఉంది. ఈ ప్రమాదంపై హీరో అజిత్ కానీ, ఆయన టీమ్ కానీ అధికారికంగా స్పందించలేదు.
హీరో అజిత్కు బైక్ రేసింగ్, కార్ రేసింగ్ అంటే చాలా ఇంట్రెస్ట్ అన్న విషయం తెలిసిందే. ఆయన సినిమాల్లో రేసింగ్ సీన్లలో డూప్ లేకుండా ఆయనే యాక్ట్ చేస్తారు. సినిమా షూటింగ్లు లేకపోతే అజిత్ చేసే పని లాంగ్ డ్రైవ్స్, రేసింగ్ మాత్రమే. కొన్నిసార్లు షూటింగ్ ఉన్న సరే రేసింగ్లకు వెళ్తుంటారు అజిత్. అంతేకాకుండా అంతర్జాతీయ రేసింగ్ పోటీల్లోనూ అజిత్ పార్టిసిపేట్ చేస్తుంటారు.
ఈ క్రమంలోనే రాబోయే రేసింగ్ ఛాంపియన్‌షిప్‌కు దుబాయ్‌లో ప్రాక్టీస్ చేస్తోండగా ఈ దుర్ఘటన జరిగింది. దుబాయ్‌లో అజిత్ యాక్సిడెంట్‌కి సంబంధించిన వీడియోలు సోషల్ మీడియాలో వైరల్గా మారాయి. తమ అభిమాన నటుడు ప్రాణపాయం నుండి తప్పించుకోవడంతో ఫ్యాన్స్ ఆనందం వ్యక్తం చేస్తున్నారు.
కారు రేసింగ్లో హీరో అజిత్కు ప్రమాదం..#Ajithkumar #ajithkumarracing #AjithAccident #Dubai pic.twitter.com/dHjlWlMJtR
— తెనాలి రామకృష్ణుడు (@vikatakavi369) January 7, 2025
