తమిళ స్టార్ అజిత్ భార్య, ఒకప్పటి హీరోయిన్ షాలిని ఆస్పత్రిలో చేరారు. కొంతకాలంగా అనారోగ్య సమస్యతో బాధపడుతున్న ఆమెకు చెన్నైలోని ఓ ప్రైవేట్ ఆస్పత్రిలో చిన్నపాటి సర్జరీ జరిగిందని తెలుస్తోంది. సర్జరీ సమయంలో భర్త అజిత్ షూటింగ్ లో బిజీగా ఉన్నారు. ప్రస్తుతం ఆయన హీరోగా వస్తున్న విదా ముయార్చి మూవీ షూటింగ్ అజర్ భైజాన్ లో జరుగుతోంది. దాంతో.. మంగళవారం షూటింగ్ కమ్లీట్ అవగానే చెన్నై చేరుకున్న ఆయన హాస్పిటల్ కి వెళ్లి శాలినిని కలిశారు.
తన ఆరోగ్యం గురించి డాక్టర్స్ ని అడిగితెలుసుకున్నారు. ప్రస్తుతం దానికి సంబంధించిన ఫోటోలు సోషల్ మీడియాలో వైరల్ అయ్యాయి. దాంతో అజిత్, షాలిని ఫ్యాన్స్ ఆమెకు ఏమైందో అని కంగారు పడ్డారు. విషయం తెలుసుకొని ఊపిరిపీల్చుకున్నారు. గెట్ వెల్ సూన్ షాలిని మేడం అంటూ కామెంట్స్ చేస్తున్నారు.
