జాతిరత్నాలు ఫేమ్..చిట్టి అదేనండి ఫరియా అబ్దుల్లా మరో మూవీతో మెరిసేందుకు సిద్ధమైంది. యువహీరో సంతోష్ శోభన్తో ఆమె జతకట్టింది. మేర్లపాక గాంధీ డైరెక్షన్లో వినూత్న టైటిల్తో మూవీ తెరకెక్కింది. లైక్ షేర్ సబ్ స్క్రైబ్ పేరుతో మూవీ రాబోతుంది. తాజాగా ఈ చిత్ర టీజర్ విడుదలైంది. కామెడీ ఎంటర్ టైనర్గా రాబోతున్న చిత్ర టీజర్ను నటుడు నితిన్ లాంఛ్ చేశారు.
సంతోష్ శోభన్ ట్రావెల్ బ్లాగర్‌గా మారాలనుకుంటాడు. తన స్నేహితుడు నెల్లూరు సుదర్శన్‌తో కలిసి అందమైన ప్రదేశాలకు ప్రయాణిస్తాడు. ఈ ప్రయాణంలో సంతోష్..ఫరియా అబ్దుల్లాను చూసి ప్రేమలో పడిపోతాడు. ఆమెను ప్రేమలో పడేసేందుకు నానా తంటాలు పడతాడు. వీరి లవ్ ట్రాక్ సాగుతున్న క్రమంలో సంతోష్ ఒక క్రైంలో ఇరుక్కుంటాడు. అసలు సంతోష్ శోభన్కు ఈ క్రైంకు సంబంధం ఏంటీ..దాని నుంచి అతను ఎలా బయటపడ్డాడు.. ఫరియా అబ్దుల్లా ప్రేమను గెలుచుకున్నాడా అనేది సస్పెన్స్గా చూపించారు. మొత్తంగా ఈ చిత్రంలో రొమాన్స్, క్రైంతో పాటు..కామెడీ అంశాలు పుష్కలంగా ఉండే అవకాశం ఉందని టీజర్ను చూస్తే అర్థమవుతుంది. ఈ చిత్రంలో బ్రహ్మాజీ కీ రోల్ చేస్తున్నారు.
లైక్ షేర్ సబ్ స్క్రైబ్ చిత్రాన్ని వెంకట్‌ బోయనపల్లి నిర్మిస్తున్నారు. నిహారికా ఎంటర్ టైన్ మెంట్స్ , అమృత క్రియేష‌న్స్ సంయుక్తంగా తెర‌కెక్కిస్తున్నాయి. ప్రవీణ్ లక్కరాజు సంగీతం అందిస్తున్నాడు. వసంత్ సినిమాటోగ్రాఫర్గా, అవినాష్ కొల్లా ప్రొడక్షన్ డిజైనర్గా పని చేస్తున్నారు. నవంబర్‌లో ఈ సినిమా థియేటర్లలోకి రానుంది.
