టాలీవుడ్ ప్రముఖ హీరో నితిన్ రాబిన్హుడ్ అనే సినిమాలో హీరోగా నటిస్తున్నాడు. ఈ సినిమాలో నితిన్ కి జోడీగా యంగ్ బ్యూటీఫుల్ హీరోయిన్ శ్రీలీల నటిస్తోంది. యాక్షన్ సస్పెన్స్ థ్రిల్లర్ బ్యాక్ డ్రాప్ లో ప్రముఖ డైరెక్టర్ వెంకీ కుడుముల తెరకెక్కిస్తున్నాడు. మైత్రీ మూవీ మేకర్స్ నిర్మిస్తోంది. నవంబర్ 14న ఈ సినిమా టీజర్ రిలీజ్ కాగా మంచి రెస్పాన్స్ వస్తోంది. అలాగే టీజర్ రిలీజ్ అయిన 24 గంటల్లోనే 9.5 మిలియన్ వ్యూస్ వచ్చాయి.
అయితే రాబిన్హూడ్ రలీజ్ డేట్ సోషల్ మీడియా వేదికగా చిత్రయూనిట్ ప్రకటించారు. ఇందులోభాగంగా క్రిస్మస్ కానుకగా డిసెంబర్ 25న వరల్డ్ వైడ్ గ్రాండ్ గా రిలీజ్ చేస్తున్నట్లు తెలిపారు. అలాగే ఈ విషయానికి సంబందించిన పోస్టర్ కూడా రిలీజ్ చేశారు. ఈ పోస్టర్ లో "లూటింగ్ స్టార్ట్ ఫ్రమ్ డిసెంబర్ 25" అని పేర్కొన్నారు. అలాగే టీజర్ కి ఇంత మంచి రెస్పాన్స్ వచ్చినందుకు థాంక్స్ తెలిపారు.
ALSO READ | Thaman: తమన్ మంచి మనసు.. కిడ్నీ పేషెంట్ కి సహాయం..
ఈ విషయం ఇలా ఉండగా గతంలో డైరెక్టర్ వెంకీ కుడుముల నితిన్ తో తెరకెక్కించిన భీష్మ సినిమా మంచి హిట్ అయ్యింది. కానీ భీష్మ తర్వాత నటించిన చెక్, మాస్ట్రో, రంగ్ దే, మాచర్ల నియోజకవర్గం, ఎక్స్ట్రా ఆర్డినరీ మ్యాన్, తదితర చిత్రాలు ఫ్లాప్ అయ్యాయి. దీంతో వెంకీ కుడుముల రాబిన్హుడ్ తో హిట్ కొట్టాలని నితిన్ బాగానే శ్రమిస్తున్నాడు. టీజర్ తో ఆకట్టుకున్న నితిన్ థియేటర్లలో ఎలా అలరిస్తాడో చూడాలి.
