సుప్రీమ్ హీరో సాయి దుర్గ తేజ్ (Sai Durga Tej) ఇవాళ బుధవారం (నవంబర్ 6న) తిరుమల శ్రీవారిని దర్శించుకున్నారు. ఇవాళ అలిపిరి నడక మార్గం గుండా తిరుమల చేరుకున్న సాయి.. ఉదయం శ్రీవారి సుప్రభాత సేవలో పాల్గొన్నారు. దర్శనానంతరం రంగనాయకుల మండపంలో పండితులు వేదాశీర్వచనం అందించారు. శ్రీవారి తీర్థప్రసాదాలు అందజేసి.. పట్టువస్త్రంతో సత్కరించారు.
ఇలా టైం దొరికినప్పుడల్లా తిరుమల వేంకటేశ్వరుని దర్శించుకుని మొక్కులు చెల్లించుకుంటాడు. మరోవైపు ఐకాన్ స్టార్ అల్లు అర్జున్‌ సతీమణి స్నేహ రెడ్డి కూడా ఇవాళ తిరుమలేశుడిని దర్శించుకున్నారు. ప్రస్తుతం ఇందుకు సంబంధించిన విజువల్స్ సోషల్ మీడియాలో వైరల్ గా మారాయి.
ఇకపోతే.. సాయి దుర్గ తేజ్ హీరోగా రోహిత్ కేపీ దర్శకత్వలో ఓ చిత్రం (SDT 18) తెరకెక్కుతోంది. ఐశ్వర్య లక్ష్మి హీరోయిన్‌‌‌‌గా నటిస్తోంది. భారీ బడ్జెట్ తో పీరియాడిక్ యాక్షన్ గా ‘హనుమాన్’ నిర్మాతలు కె నిరంజన్ రెడ్డి, చైతన్య రెడ్డి ఈ చిత్రాన్ని నిర్మిస్తున్నారు. ఇటీవలే.. SDT 18 నుండి ఓ స్పెషల్ వీడియో ద్వారా రిలీజ్ చేశారు. ఇందులో సాయి తేజ్ లుక్ సినిమాపై క్యూరియాసిటీని పెంచుతోంది. మునుపెన్నడూ చేయని పవర్‌‌‌‌‌‌‌‌ఫుల్ క్యారెక్టర్‌‌‌‌‌‌‌‌లో బీస్ట్ మోడ్‌‌‌‌లో కనిపిస్తున్నాడు.
ALSO READ : Samantha: మరదలుగా ఉన్న సమంత నాకు చెల్లెలు అయింది.. రానా జోక్స్పై సామ్ రియాక్షన్ ఇదే
