టాలీవుడ్ స్టార్ హీరో సాయి దుర్గ తేజ్ నూతన డైరక్టర్ రోహిత్ డైరెక్ట్ చేస్తున్న ఎస్డిటి18 సినిమాలో హీరోగా నటిస్తున్నాడు. ఈ సినిమాలో సాయి తేజ్ కి జంటగా ఐశ్వర్యలక్ష్మీ నటిస్తోంది. ఇక ఈ సినిమాని ప్రముఖ సినీ నిర్మాతలైన కె.నిరంజన్ రెడ్డి & చైతన్య రెడ్డి కలసి సంయుక్తంగా నిర్మిస్తున్నారు. ఆమధ్య సాయి తేజ్ పుట్టిన రోజు సందర్భంగా ఎస్డిటి18 మేకింగ్ వీడియో ని రిలీజ్ చేయగా మంచి రెస్పాన్స్ వచ్చింది.
ప్రస్తుతం ఈ సినిమా ఫాస్ట్ గా షూటింగ్ జరుపుకుంటోంది. ఇందులో భాగంగా యాక్షన్ సన్నివేశాల చిత్రీకరణ హైదరాబాద్ నగర పరిసర ప్రాంతంలో జరుగుతున్నట్లు సమాచారం. అయితే ఈరోజు స్టార్ హీరో శ్రీకాంత్ ఎస్డిటి18 సినిమా షూటింగ్ లో జాయిన్ అయ్యారు. ఈ విషయాన్ని చిత్ర యూనిట్ సోషల్ మీడియా ద్వారా తెలిపింది. అంతేగాకుండా ఈ సినిమాలో శ్రీకాంత్ పాత్ర లుక్ కూడా రివీల్ చేస్తూ పోస్టర్ ని షేర్ చేశారు.
ఈ విషయం ఇలా ఉండగా ఈమధ్య హీరో శ్రీకాంత్ వరుస సినిమాల్లో ఆఫర్లు దక్కించుకుంటున్నాడు. కాగా ఇటీవలే ఎన్టీఆర్ హీరోగా నటించిన దేవర సినిమాలో కూడా శ్రీకాంత్ కీలక పాత్రలో నటించాడు. ఈ సినిమా బ్లాక్ బస్టర్ హిట్ అయ్యింది.
His unmatched intensity and depth will add an extra spark to this epic world of #SDT18
— Sai Dharam Tej (@IamSaiDharamTej) November 8, 2024
Welcoming the powerhouse performer @actorsrikanth anna on board 🤗 pic.twitter.com/Ee0V0bpl6X
అయితే ప్రస్తుతం శ్రీకాంత్ రామ్ చరణ్ హీరోగా నటిస్తున్న గేమ్ ఛేంజర్ సినిమాలో కూడా ప్రాధాన్యత కలిగిన పాత్రలో నటిస్తున్నాడు. ఈ సినిమాని పొలిటికల్ డ్రామా బ్యాక్ డ్రాప్ లో విలక్షణ డైరెక్టర్ శంకర్ తెరకెక్కిస్తున్నాడు. మొదటి ఇన్నింగ్స్ లో హీరోగా అలరించిన హీరో శ్రీకాంత్ ప్రస్తుతం సపోర్టింగ్ రోల్స్ తో అలరిస్తున్నాడు.
