టాలీవుడ్ టాలెంటెడ్ హీరో సుహాస్ (Suhas), సంగీర్తన జంటగా సందీప్ రెడ్డి బండ్ల దర్శకత్వంలో తెరకెక్కిన చిత్రం ‘జనక అయితే గనక’(Janaka Aithe Ganaka). శిరీష్ సమర్పణలో దిల్‌‌‌‌‌‌‌‌రాజు ప్రొడక్షన్స్ బ్యానర్‌‌‌‌‌‌‌‌‌‌‌‌‌‌‌‌పై హర్షిత్ రెడ్డి, హన్షిత రెడ్డి నిర్మించారు. దసరా సందర్భంగా అక్టోబర్ 12న సినిమా విడుదల కానుంది. ఈ క్రమంలో గురువారం (అక్టోబర్ 3న) ప్రెస్‌‌‌‌‌‌‌‌మీట్ నిర్వహించారు.
ఈ సందర్బంగా దిల్ రాజు మాట్లాడుతూ ‘ఇప్పటికే చాలామందికి సినిమా చూపించాం. పాజిటివ్ రెస్పాన్స్ రావడం సంతోషంగా ఉంది. ఈనెల 6న విజయవాడలో, 8న తిరుపతిలో షోస్‌ వేస్తున్నాం. రెండు రోజులు ముందే ఓవర్సీస్‌‌‌‌‌‌‌‌లోనూ రిలీజ్ చేస్తున్నాం.నాన్ థియేట్రికల్ బిజినెస్ ఇప్పటికే పూర్తయింది. ఇరవై నుంచి ముప్పై ఏళ్ల వయసు వాళ్ల కథ అయినప్పటికీ, మిడిల్ క్లాస్‌ ఫ్యామిలీ బ్యాక్‌‌‌‌‌‌‌‌డ్రాప్‌‌‌‌‌‌‌‌లో జరుగుతుంది. అందుకే అందరూ రిలేట్‌ అవుతారు. కంటెంట్‌‌‌‌‌‌‌‌తో పాటు నాన్ స్టాప్‌ ఎంటర్‌‌‌‌‌‌‌‌‌‌‌‌‌‌‌‌టైన్మెంట్‌ ఉన్న సినిమా’ అని చెప్పారు.
‘ఏ ఒక్కరినీ నిరాశపర్చకుండా అందరినీ అలరించే సినిమా అవుతుందని హీరోహీరోయిన్స్, దర్శకుడు చెప్పారు. ‘ఈ చిత్రం మాకు చాలా స్పెషల్. నాన్న, నాన్నమ్మ, భార్య, భర్త అంటూ అందరి కోణంలో జరిగే కథ’ అని నిర్మాత హర్షిత్ రెడ్డి చెప్పారు.
కథేంటంటే?
ఓ సాదాసీదా సేల్స్ మ్యాన్ ఉద్యోగం చేసే హీరో.. ఖర్చులకు భయపడి పెళ్లి చేసుకున్నా అప్పుడే పిల్లలు వద్దనుకుంటాడు. కానీ ఎన్ని జాగ్రత్తలు తీసుకున్నా అతని భార్య గర్భం దాలుస్తుంది. దీంతో సుహాస్ కండోమ్ తయారు చేసే సంస్థపైనే కేసు వేస్తాడు.ఇక సుహాస్ తనదైన కామెడీతో టీజర్, ట్రైలర్ విజువల్స్ లో చూపించాడు. ఇక ప్రమోషన్స్ తో ఈ సినిమాపై హైప్ పెంచేశాడు.
