Kanguva: తమిళ్ ప్రముఖ డైరెక్టర్ శివ దర్శకత్వం వహించిన కంగువ సినిమా నవంబర్ 14న ప్యాన్ ఇండియా భాషలలో రిలీజ్ అయ్యింది. అయితే ఈ సినిమాలో హీరోగా ప్రముఖ హీరో సూర్య నటించగా హీరోయిన్ గా దిశా పటాని నటించింది. బాలీవుడ్ విలక్షణ నటుడు బాబీ డియోల్ విలన్ గా నటించాడు.
పీరియాడిక‌ల్ యాక్షన్ థ్రిల్ల‌ర్‌ బ్యాక్ డ్రాప్ లో తెరకెక్కిన ఈ సినిమా రిలీజ్ రోజునుంచి మంచి పాజివటివ్ టాక్ తో దూసుకుపోతుంది. ఈ క్రమంలో కంగువ రిలీజ్ అయిన 2 రోజుల్లో వరల్డ్ వైడ్ 89.32 కోట్లు (గ్రాస్) కలెక్ట్ చేసింది. కానీ కొందరు కావాలనే కంగువ సినిమాపై సోషల్ మీడియాలో నెగిటివ్ టాక్ స్ప్రెడ్ చేస్తున్నారు. దీంతో ఈ విషయంపై హీరో సూర్య సతీమణి, నటి జ్యోతిక స్పందించింది.
ఇందులోభాగంగా కంగువ సినిమాపై నరగిటివ్ రివ్యూలు చూసి ఆశ్చర్యం కలిగిందని అన్నారు. అలాగే ఈ సినిమాలో హీరోగా నటించిన సూర్య, ఇతర క్యాస్ట్ & క్రూ కష్టపడి పనిచేసి అద్భుతంగా తీశారని అభిప్రాయం వ్యక్తం చేసింది. ఈ సినిమాలోని కెమెరా వర్క్ అలాగే ఎక్జిక్యూట్ చేసిన విధానం ఇంతకు ముందెన్నడూ తమిళ్ సినిమాలలో చూడలేదని వెల్లడించింది.
రివ్యూలలో కంగువ సినిమాలోని యాక్షన్ సీన్స్, స్త్రీల యాక్షన్ సీక్వెన్స్, వంటివాటిని ప్లస్ పాయింట్స్ తో చేర్చడం మర్చిపోయారని తెలిపింది. అలాగే ఈ సినిమాలో డబుల్ మీనింగ్ డైలాగులు మాట్లాడటం, స్త్రీలని చులకనగా చూడటం వంటి అంశాలు లేకపోవని కచ్చితంగా ఆడియన్స్ కి నచ్చుతుందని తెలిపింది. కానీ ఇంత మంచి సినిమాకి నెగిటివ్ రివ్యూలు ఇవ్వడం విచారకరమని అభిప్రాయం వ్యక్తం చేసింది.
